हिन्दूराष्‍ट्र र संवैधानिक राजसंस्था पुनःस्थापनाको मागसहित राप्रपाले संघर्ष गर्ने – Nepal Press

हिन्दूराष्‍ट्र र संवैधानिक राजसंस्था पुनःस्थापनाको मागसहित राप्रपाले संघर्ष गर्ने

काठमाडौं । राष्‍ट्रिय प्रजातन्त्र पार्टी (राप्रपा)ले सनातन हिन्दुराष्‍ट्र र संवैधानिक राजसंस्था पुनःस्थापनाको मागसहित देशव्यापी संघर्ष गर्ने घोषणा गरेको छ।

कमल थापाको अध्यक्षतामा बसेको  पशुपतिशम्शेर जबरा र डा. प्रकाशचन्द्र लोहनीसहितको केन्द्रीय सचिवालय कार्य व्यवस्था समितिको बैठकले पुसको दोस्रो सातादेखि पहिलो चरणको संघर्षको कार्यक्रम गर्ने निर्णय गरेको हो।

भ्रष्टाचार, धर्म परिवर्तन, कोरोना महामारी नियन्त्रण, वेरोजगारी समस्या समाधानलगायतका विषयमा सरकारको असफलता एवं उदासिनता देखाएको त्यसको विरुद्धमा जनप्रदर्शन गर्न लागिएको राप्रपाले विज्ञप्तिमार्फत जनाएको छ।

बैठकले सक्रिय सदस्यता वितरण निर्देशिका, सांगठनिक तह निर्वाचनसम्बन्धी विनियमावली २०७७, निर्वाचन निर्देशिका तथा निर्वाचन कार्यतालिका संशोधनसहित पारित गरेको छ।

त्यस्तै पुस १२ गते सबै जिल्ला प्रशासन कार्यालयमार्फत सरकारसमक्ष ज्ञापनपत्र बुझाउने, १२(२१ गते सम्म जिल्ला सदरमुकाम र ठूला सहरहरुमा मोटरसाईकल र्‍याली गर्ने बताइएको छ।

प्रतिक्रिया

Leave a Reply

Your email address will not be published.

सम्बन्धित खवर