कोरोनाबिरुद्धको खोप अभियान अमेरिकामा पनि सुरु – Nepal Press

कोरोनाबिरुद्धको खोप अभियान अमेरिकामा पनि सुरु

एजेन्सी । बेलायत पछि अमेरिकाले पनि आफ्ना नागरिकलाई कोरोनाबिरुद्धको खोप लगाउन सुरु गरेको छ । अमेरिकामा सोमबार कोभिड–१९ को खोप लगाएर देशका सबैभन्दा ठूलो खोप अभियानको सुरुआत गरिएको छ ।

न्युयोर्ककी एकजना नर्सलाई खोपको पहिलो डोज लगाएर यो अभियान सुरु गरिएको हो । ‘मलाई यस्तो लागिरहेको छ कि उपचार जारी छ,’ पहिलो प्रयोगकर्ता सान्द्रा लिन्डसेले भनिन् ।

सोमबारमात्रै अमेरिकाका कोरोनाबाट मृत्यु हुनेको संख्या ३ लाख नाघेको छ । देशका करिव १ सय ५० अस्पतालले लाखौं भाइल कोरोनाको खोप प्राप्त गरेका छन् । अमेरिकाले पनि फाइजर बायोटेक कम्पनीले विकास गरेको खोप प्रयोग गरेको हो ।

अमेरिकाको खोप अभियान कार्यक्रमले अप्रिलसम्ममा १० करोड जनतालाई खोप लगाउने लक्ष्य राखेको छ ।

लिन्डसे न्युयोर्कको लङ आइल्यान्ड मेडिकल सेन्टरमा आईसीयूमा कार्यरत नर्स हुन् । उनलाई खोप लगाइरहेको दृश्य न्युयोर्कका मेयर एन्ड्र्यु कोमोको फेसबुक र ट्वीटरबाट प्रत्यक्ष देखाइएको थियो । न्युयोर्क कोरोना महामारीको पहिलो धक्का ब्यहोरेको अमेरिकी शहर हो ।

‘मलाई अरु खोपभन्दा खासै फरक लागेन,’ लिन्डसेले भनिन्, ‘मलाई आशा छ कि यो हाम्रो इतिहासकै सबैभन्दा कठिन समयको अन्त्यको सुरुआत हो । म सबै जनतालाई विश्वस्त पार्न चाहन्छु कि यो खोप सुरक्षित छ ।’

प्रतिक्रिया

Leave a Reply

Your email address will not be published. Required fields are marked *

सम्बन्धित खवर
नेपाल अपडेट ट्रेन्डिङ