स्न्यापच्याटमा सोझै ट्वीट सेयर गर्न सकिने – Nepal Press

स्न्यापच्याटमा सोझै ट्वीट सेयर गर्न सकिने

काठमाडौं । माइक्रो ब्लगिङ साइट ट्वीटर प्रयोगकर्ताले आफ्नो ट्‍वीट सोझै स्न्यापच्याटमा सेयर गर्न पाउने भएका छन् । अहिलेसम्म ट्वीटर प्रयोगकर्ताले आफ्नो ट्वीटको स्क्रिनसट गरेर स्न्यापच्याटमा राख्नु पर्ने बाध्यता थियो ।

प्रयोगकर्तालाई स्क्रिनसटको झन्झट्बाट मुक्त गर्नका लागि दुवै सोसल मिडिया जानकारहरूले सहकार्य गरेर यो सुविधा दिएका हुन् । दी भर्जको रिपोर्टअनुसार हालै यो सुविधा आइओएस प्रयोगकर्ताका लागि दिइएको छ । यो फिचरको प्रयोग गर्नका लागि प्रयोगकर्ताले पब्लिक ट्वीटको सेयर बटनमा क्लिक गरेर स्नापच्याटमा पुनः क्लिक गर्नुपर्नेछ ।

त्यसपछि स्नाप क्रिएट गरेर स्न्यापच्याटमा पनि सेयर गर्न सक्नेछन्। साथै प्रयोगकर्ताले ट्वीटलाई स्न्यापच्याटको स्टोरीमा पनि राख्न सक्छन् । रिपोर्टअनुसार ट्वीटरले आइओएसका सीमित प्रयोगकर्ताले इन्स्टाग्राममा पनि ट्वीट सेयर गर्न सक्ने बताएको छ ।

हाल आइओएस प्रयोगकर्ताका लागि मात्रै उपलब्ध रहेको यो फिचर चाँडै एन्ड्रोइडमा पनि दिइने छ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर