मिलन चाम्सको ‘गोर्खा वारियर-२’ निर्माण घोषणा (तस्विरहरु) – Nepal Press
मिलन चाम्सको ‘गोर्खा वारियर-२’ निर्माण घोषणा (तस्विरहरु)
नेपाल प्रेस २०७७ फागुन १८ गते १५:१५
२०७७ फागुन १८ गते १५:१५

काठमाडौं । निर्देशक मिलन चाम्सले गोर्खाली सैनिकको वीरतामा आधारित फिल्म ‘गोर्खा वारियर’का चार श्रृंखला निर्माणको घोषणा गरेका छन् ।

मंगलबार राजधानीमा आयोजित प्रेसमिटमा फागुन २७ गतेदेखि दोस्रो सिक्वेलको छायांकन सुरु हुने जानकारी दिइयो । पहिलो सिक्वेलको २० प्रतिशत छायांकन पुरा भएको र आउँदो वर्ष निर्माण सम्पन्न हुने घोषणा उनले गरे । सन् २०२२ मा रिलिज लक्ष्य राखिएको छ ।

गोर्खा वारियर-२ मा रितेश चाम्स, रेविका गुरुङ र विजय लामाको मुख्य भूमिका हुनेछ । रियर राई, भुवनसिंह राई, शिशिर वाङ्देल, बुद्धी तामाङ, कविता आले, विरुप घले र सारा राईको समेत मुख्य भूमिका हुनेछ ।

 

‘गोर्खाली सेनाको वीरता र योगदानमा फिल्म आधारित हुनेछ’ पटकथा लेखक समेत रहेका चाम्सले भने । उक्त अवसरमा चाम्सले बेलायती राजपरिवार, अमेरिकी राष्ट्रपति, सिंगापुर प्रधानमन्त्री र भारतीय प्रधानमन्त्रीको सुरक्षामा गोर्खा सैनिक खटिएको भिडियो प्रस्तुति गरेका थिए ।


 

गोर्खा वारियर-२ मा एलिस कार्कीको संगीत, अर्जुन विसीको सम्पादन, सुदीप बरालको छायांकन, हिमाल केसीको द्वन्द्व निर्देशन रहेनछ । निर्देशक चाम्स र गिरिराज घिमिरेले मिलेर पटकथा लेखेका हुन् ।


 

लन्डन सिनेआइ प्रोडक्सन र चाम्स इन्टरटेनमेन्टले मिलेर फिल्म निर्माण गर्न लागेका हुन् । सुरेश राई र पूर्ण लिम्बु सह–निर्माता छन् । नेपालको सोलुखुम्बु, मलेसिया र बेलायतमा फिल्म सुटिङ हुनेछ ।