अमेरिकी पडकास्टरसँग रुसका विदेशमन्त्री- रुसले चीनलाई कहिल्यै धोका दिँदैन

काठमाडौं । अमेरिकी पडकास्टरसँग कुरा गरेका रुसका विदेशमन्त्री सेर्गि लेभ्रोबले रुसले चीनलाई कहिल्यै धोका नदिने बताएका छन् ।

रुसी विश्व च्यानल आरटीका अनुसार अन्तरवार्तामा लेभ्रोबले चीनसँग गरेका वाचा, प्रतिबद्धता र उत्तरदायित्वहरू पुरा गर्न रुस प्रतिबद्ध भएको बताएका हुन् ।

बुधवार अंग्रेजी भाषामा प्रकाशन भएको पडकास्टरसँगको अन्तरवार्तामा लेभ्रोबले चीनसँगका रुसले गरेका कानुनी मात्रै नभएर राजनीतिक प्रतिबद्धताहरू पनि पुरा गर्ने बताउँदै भने, ‘यति बलियो, यति विश्वासिलो र यति दीर्घकालीन सम्बन्ध चीनसँग कहिल्यै थिएन ।’

अमेरिका र रुसले युक्रेन युद्ध समापन गरेसँगै दुई देशको मिलनले चीन एक्लिने हो कि भन्ने चर्चाका बिच लेभ्रोबले यस्तो बताएका हुन् ।