नेकपा एसको बैठक- राजनीतिक प्रस्ताव पारित, अध्यादेशदेखि ओडिसा घटनाको चर्चा

काठमाडौं । नेकपा एकीकृत समावजवादीले पार्टी अध्यक्ष माधव नेपालको राजनीतिक प्रतिवदेन पारित गरेको छ ।

पार्टी कार्यालय आलोकनगरमा बसेको स्थायी कमिटी बैठकले अध्यक्ष नेपालको प्रतिवेदनसहित ७ प्रस्ताव पारित गरेको हो ।

आजको बैठक भोलि बिहान ८ बजे पुनः बस्नेगरी टुंगिएको उपाध्यक्ष तथा प्रचार विभाग प्रमुख प्रकाश ज्वालाले बताए ।

बैठकले अध्यक्षको राजनीतिक प्रतिवेदनसहित नियमावली निर्देशिका, आचारसंहिता, दशौँ राष्ट्रिय महाधिवेशनको विवरणात्मक समीक्षा, तात्कालिक कार्ययोजना, सरकारले ल्याएको अध्यादेश सम्बन्धमा, प्रकृति लम्साल मृत्यु प्रकरण र समसामयिक प्रस्ताव पारित गरेको बताए ।

भोलि नै नेकपा एसको पोलिटब्युरो बैठक पनि बस्दैछ भने ९ गते केन्द्रीय कमिटीको बैठक नेपाल प्रशासनिक प्रशिक्षण प्रतिष्ठान जावलाखेलमा बस्दैछ ।