ला–लिगाको पहिलो स्थानमा उक्लियो बार्सिलोना

हेटौँडा । रोवर्ट लोवान्डोस्कीले निर्णायक गोल गरेपछि स्पेनिस ला–लिगामा बार्सिलोनाले जित दर्ता गर्दै तालिकाको पहिलो स्थानमा उक्लिएको छ ।

सोमबार राती भएको खेलमा रायो भायोकानोलाई १–० गोलले पराजित गर्दै बार्सिलोना विजयी भएको हो । खेलको २८ औँ मिनेटमा पेनाल्टी मार्फत ल्वान्डोस्कीले गरेको गोल नै निर्णायक गोल बन्दा बार्सिलोनाले जित निकालेको हो ।

जितपछि बार्सिलोना तालिकाको पहिलो स्थानमा उक्लिएको छ ।

ला–लिगाको २४ औँ चरणको खेल सकिदा ५१ अंक सहित बार्सिलोना पहिलो स्थानमा रहँदा समान खेलबाट समान अंक रहे पनि रियल मेड्रिड गोल अन्तरको आधारमा दोस्रो स्थानमा रहँदा ५० अंक बटुलेको एटलेटिको मेड्रिड तेस्रो स्थानमा रहेको छ ।