कमेडी दरबारमा मनोज गजुरेलको इन्ट्री, होस्टमा विक्की र सजना

काठमाडौं । चर्चित टीभी रियालिटी शो कमेडी दरबारमा प्रख्यात हास्यकलाकार मनोज गजुरेलको इन्ट्री भएको छ । विजय बराल बाहिरिएपछि गजुरेललाई ‘महाराज’ को भूमिकामा ल्याइएको हो ।

यसैगरी कार्यक्रमको होस्ट पनि परिवर्तन भएको छ । पूर्वमिस नेपाल नम्रता श्रेष्ठ बाहिरिएकी छन् । उनीसँग २६ एपिसोडसम्मको सम्झौता थियो ।

अब कार्यक्रमको सञ्चालन विक्की अग्रवाल र सजना खनालले गर्नेछन् । विक्की कार्यक्रमका प्रोड्युसर पनि हुन् ।

कमेडी दरबारको महारानीको भूमिकामा गौरी मल्लले निरन्तरता पाउनेछिन् । प्राइम टेलिभिजनबाट प्रशारण हुने यो कार्यक्रम अहिले निकै लोकप्रिय छ ।