धोबीखोलामा कार खस्यो, राति नै निकालियो

काठमाडौं । काठमाडौंको धोबीखोलामा खसेको कार राति नै निकालिएको छ । आइतबार साँझ मदन भण्डारी कलेज छेउमा कार खसेको थियो ।

बा २१ च ६६१४ नम्बरको कार धोबीखोलामा खसेको प्रहरी वृत्त सिंहदरबारले जानकारी दिएको छ । चालक सामान्य घाइते भएका छन् । यसअघि पनि गत पुसमा सोही ठाउँमा एउटा कार खसेको थियो ।

अनामनगर साइडतिरबाट करिडोरमा ओभर स्पिडमा आएको कार डिल नाघेर खोलामा खसेको बताइएको छ ।

खोलामा झरेको उक्त कारलाई ‘क्रेन’ को सहायताले निकालिएको थियो ।