ईपीएल : टोटनह्याम्पद्वारा म्यान्चेस्टर युनाइटेड पराजित

हेटौंडा । इंग्लिस प्रिमियर लिग (ईपीएल) अन्तर्गत आइतबार राति भएको खेलमा म्यान्चेस्टर युनाइटेडलाई पराजित गर्दै टोटनह्यम्प हट्सपरले रेलिगेसनको दबाबलाई कम गरेको छ ।

घरेलु मैदानमा भएको खेलमा हट्सपरले १-० को जित निकाल्दै महत्वपूर्ण तीन अंक जोड्न सफल भयो ।

टोटनह्याम्पको जितमा मिडफिल्डर जेम्स म्याडीसनले पहिलो हाफको १३ औं मिनेटमा गरेको गोल नै विजयी गोल बन्यो ।

जितसँगै टोटेनह्याम्प अंक तालिकाको १२ औं स्थानमा उक्लिएको छ । टोटेनहमको २५ खेलमा ३० अंक जोडेको छ । युनाइटेड भने २९ अंकका साथ १५ औं स्थानमा छ ।