चिनियाँ युनान टोलीसँग नेपाली युवा टोली पराजित (तस्विरहरु)

काठमाडौं । चीनको नयाँ वर्षको अवसरमा शनिबार भएको मैत्रीपूर्ण फुटबलमा नेपाली युवा टोली चीनको युनान युवा फुटबल टोलीसँग पराजित भएको छ ।

अखिल नेपाल फुटबल संघ (एन्फा)को आयोजना र नेपालस्थित चीनको दूतावासको सहयोगमा शनिबार त्रिपुरेश्वरस्थित दशरथ रंगशालामा भएको मैत्रीपूर्ण फुटबलमा चिनियाँ युवा टोलीले नेपाली टोलीलाई २-० गोलले पराजित गरेको हो ।

गत वर्ष भएको मैत्रीपूर्ण फुटबलमा भने नेपालको युवा टोलीले चीनको टोलीलाई हराएको थियो । खेलअघि रंगशालामा चिनियाँ र नेपाली कलाकारहरुले सांस्कृतिक कार्यक्रम प्रस्तुत गरेका थिए ।

प्रतियाेगिता उद्घाटन गर्न गृहमन्त्री रमेश लेखक र नेपालका लागि चिनियाँ राजदूतलगायत दशरथ रंगशाला पुगेका थिए ।

तस्विरहरु : उमेश कार्की