अमेरिकी श्रम कानून पालना नगर्ने नेपालीलाई डेढ करोड डलर जरिवाना

काठमाडौं । श्रम कानूनको पालना नगरेका एक नेपाली भाषी अमेरिकीलाई डेढ करोड अमेरिकी डलर जरिवाना सुनाइएको छ । अमेरिकाको ओहियोका संघीय न्यायालयका एक न्यायाधीशले यस्तो फैसला गरेको अमेरिकी समाचार पोर्टल यूएसए हेराल्डले जनाएको छ ।

हेराल्डका अनुसार अमेरिकन हेल्थकेयर सर्भिस नामक कम्पनी चलाएका डिल्ली अधिकारीलाई यस्तो फैसला सुनाइएको हो । अतिरिक्त समय तथा घरेलु सहयोगीहरुको पारिश्रमिक नदिएको भन्दै क्षतिपूर्तिस्वरुप उक्त रकम फैसला सुनाइएको हो ।

न्यायाधीश एडमन्ड ए. सार्गुसले सन् २०२१ मा परेको मुद्दामा फैसला सुनाउँदै उक्त क्षतिपूर्तिको सजाय सुनाएका हुन् । मुद्दा सन् २०१८ मा परेको यूएसए हेराल्डले उल्लेख गरेको छ ।