आर्सनललाई झड्का, हाभर्टज पनि बाहिरिए

हेटौँडा । इङ्लिस क्लब आर्सनलका स्टार फरवार्ड काई हाभर्ट्जले इपीएलको बाँकी खेल गुमाउने भएका छन् । अभ्यासका क्रममा हाभर्ट्जको ह्यामस्ट्रिङमा चोट लागेपछि उनी इपीएलबाट बाहिरिएका हुन् ।

इङ्लिस प्रिमियर लिगको दोस्रो स्थानमा रहेको आर्सनलको लागि हाभर्ट्ज नहुनु सबैभन्दा चिन्ताको विषय बनेको छ । यो सिजन आर्सनलको तर्फबाट सर्वाधिक गोल गरेका हाभर्ट्जको अनुपस्थितिले आर्सनलको इङ्लिस प्रिमियर लिग जित्ने सपनालाई गहिरो असर गर्ने देखिन्छ ।

हाभर्ट्जले यस सिजन ३४ खेलमा १५ गोल गर्नुका साथै पाँच गोलका लागि अवसर सिर्जना गरेका थिए । आर्सनलका अनुसार उनको शल्यक्रिया गर्नुपर्ने भएको छ ।

आर्सनलले यसअघि नै गाब्रियल जिसस र बुकायो साकालाई गुमाइ सकेको छ । गाब्रियलको एसिएल र साकाको ह्यामास्ट्रिङको शल्यक्रिया गरिएको छ । यस्तै अर्का खेलाडी गाब्रियल मार्टिनेली पनि चोकका कारण कम्तीमा पनि एक महिना मैदान बाहिर रहने छन् ।

आर्सनल यो पटक लिग जित्ने योजना सहित लिगमा प्रस्तुत भएको छ । लिगको २४ औँ चरण आइपुग्दा उसले ५० अङ्क बटुलेको छ । उ भन्दा माथि लिभरपुल छ । लिभरपुलको ५७ अङ्क छ । आर्सनल गत सिजनको लिग उपविजेता समेत हो ।