चलचित्र ‘कर्मा’को फस्टलुक पोस्टर सार्वजनिक, एक्सन अवतारमा विपिन कार्की

काठमाडौं । अभिनेता विपिन कार्की स्टारर चलचित्र ‘कर्मा’को फस्टलुक पोस्टर सार्वजनिक भएको छ । निर्माण पक्षले बिहीबार चलचित्रका मुख्य कलाकारलाई फिचर्ड गर्दै दुईवटा पोस्टर सार्वजनिक गरेको हो ।

पोस्टरमा विपिन कार्की छन् । उनलाई ब्ल्याक जिन्स र फिट बडीमा देखाइएको छ । हातमा सर्ट गन बोकेका उनको लुक्सअनुसार उनी बदलाको भावमा छन् । गेटअप, ड्रेसअप, फेसियल लुक्स र हातमा रहेका सर्ट गनले पोस्टरलाई आकर्षक देखाएको छ।

प्राय सामाजिक चरित्रमा देखिँदै आएका कार्की यो चलचित्रमा भने एक्सन रोलमा छन्। यस अघि उनी ७ वर्ष अगाडी चलचित्र ‘नाका’ मा एक्सन भूमिकामा देखिएका थिए ।

पोस्टरमा ‘ह्वाट गोज अराउन्ड, कम्स अराउन्ड’ले स्लोगन राखिएको छ। ‘कर्मा’लाई ‘अगस्त्य’ फेम्ड निर्देशक सौरभ चौधरीको निर्देशन गरिरहेका छन् । चलचित्र यहीँ चैत २९ गते बाट रिलिज हुनेछ । चलचित्रमा विपिनसँगै उपासना सिंह ठकुरी, मुकुन भुसाल, दिव्य देवलगायत कलाकारको अभिनय रहेको छ ।

मुकुन यो चलचित्रमा नेगेटिभ क्यारेक्टरमा छन् । एक्सन ड्रामा जनरामा निर्माण भइरहेको यो चलचित्रको कथा निर्देशक चौधरी स्वयंले लेखेका छन् । आर्टिस्टिक इनटरटेनमेन्टको प्रस्तुति रहने ‘कर्मा’मा वसन्त लम्सालको लगानी रहनेछ ।