पोर्चुगलमा जनयुद्ध दिवस मनाइने

लिस्बन, पोर्चुगल । जनयुद्धको २९औं वार्षिकोत्सवको अवसरमा पाेर्चुगलकाे लिस्बनमा एक विशेष कार्यक्रम गरिने भएकाे छ । आगामी आइतबार रेस्टुरेन्ट एभरेस्ट नेपाल, रुआ अलभाराे काेटिन्हाे टुबी, ११५०-०२५ लिस्बनमा एक समाराेहका बीच त्यहाँ रहेका नेपालीकाे एक समूहले जनयुद्ध दिवस मनाइन लागेकाे हाे ।

नेपालमा १९९६ फेब्रुअरी १३ (२०५२ फागुन १) बाट तत्कालीन माओवादीले सुरु गरेकाे सशस्त्र युद्धले राजनीतिक रुपान्तरणमा भूमिका खेलेकाे विश्लेषण गरिन्छ भने आलाेचकहरुले त्याे अर्थहीन रहेकाे दाबी गर्छन् ।

१० वर्षसम्म चलेको यस युद्धले हजारौं वीर सहिदहरूको बलिदानमा समाजवादको बाटो निर्माण गर्न महत्वपूर्ण प्रभाव पार्यो । यस आन्दोलनको उपलब्धि संघीयता, धर्मनिरपेक्षता, समावेशी लोकतन्त्र, तथा श्रमिक वर्गको सशक्त प्रतिनिधित्वका रूपमा देखिएको छ । यद्यपि, पछिल्ला वर्षहरूमा केही नेताहरू सत्ताको मोहमा परिसकेको आरोप लाग्दै आएको छ ।

कार्यक्रम संयोजक सीता ढकाल सुवेदीका अनुसार, पोर्चुगलमा रहेका माओवादी विचारधारा बोकेका क्रान्तिकारीहरू, सामाजिक रूपान्तरणका पक्षधरहरू, तथा नेपाली समुदायका सचेत व्यक्तिहरूले यो दिवसलाई महत्वका साथ मनाउने तयारी गरेका छन् ।

विशेष गरी प्रवासमा रहेका नेपालीहरूका लागि यो कार्यक्रम नेपाली राजनीतिक आन्दोलनप्रति सचेत रहने, जनयुद्धको मूल्य र बलिदानलाई सम्झने, र भावी योजनाहरू बारे छलफल गर्ने अवसर हुनेछ । प्रवासी भूमिमा बस्दै गर्दा पनि वर्गीय हित र श्रमिक अधिकारको संरक्षणमा नेपाली समुदायलाई संगठित गराउने उद्देश्यका साथ यो कार्यक्रम आयोजना गर्न लागिएको हो।

कार्यक्रम मूल समारोह समितिका निर्देशक अर्जुन घिमिरेका अनुसार, यस अवसरमा जनयुद्धको आदर्श, उपलब्धिहरू, वर्तमान परिस्थितिका चुनौतीहरू, र भविष्यमा माओवादी आन्दोलनले लिनुपर्ने बाटोबारे विस्तृत छलफल गरिनेछ ।

माओवादी आन्दोलनलाई सही मार्गमा अगाडि बढाउने, विभाजन अन्त्य गरी एकीकृत संगठन निर्माण गर्ने, र प्रवासी भूमिमा पनि विचारधारात्मक सशक्तीकरण गर्ने रणनीतिहरूमा गहन बहस हुने अपेक्षा गरिएको छ । कार्यक्रमको समापन “लाल सलाम!” का नारासहित जनक्रान्तिको विजय यात्रालाई निरन्तरता दिने प्रतिबद्धतासहित गरिने आयोजकहरूले जनाएका छन् ।