भक्तराज विश्वकर्माको स्वरमा ‘सारा दिन अरूलाई दिएँ’ सार्वजनिक

काठमाडौं । सन्तोष श्रेष्ठको संगीत तथा गायक भक्तराज विश्वकर्माको स्वरमा ‘सारा दिन अरूलाई दिएँ’ बोलको गीत’ सार्वजनिक गरिएको छ । निर्भिीकजंग रायमाझीको शब्द रचना रहेको गीतको लिरिकल-भिडियो सार्वजनिक गरिएको हो ।

गीतकार निर्भीकका अनुसार यो गीत नारायणगोपाल तथा कवि ईश्वर वल्लभप्रति समर्पित गरिएको छ । ‘थाहै नपाई नारायणगोपालको गीत गुनगुनाउँदै जाँदा यो शैलीको गीत रचना हुन पुग्यो । त्यसैले नेपाली सुगम सङ्गीतका दुई महारथीलाई सम्झेर यो गीत समर्पित गरेका छौं’, उनले भने ।

गीतको एरेन्ज राजु कार्कीले गरेका छन् । मिक्सिङ, मास्टरिङ प्रकाश मिश्रको रहेको छ । अकस्टिक स्टुडियो काठमाडौं र जी-म्युजिक स्टुडियो यूकेमा रेकर्ड गरिएको गीत संगीतकार श्रेष्ठको यूट्युब च्यानल ‘गोल्डेन क्रियसन्स’बाट रिलिज गरिएको हो ।