डब्लूएचओमा नेपालका आचार्यलाई हराएर निर्देशक बनेकी हसिना पुत्री विवादमा : क्यानडाको नागरिकता भएको खुलासा

काठमाडौं । गत वर्ष नेपालका उम्मेदवार डाक्टर शम्भुप्रसाद आचार्यलाई विश्व स्वास्थ्य संगठन (डब्लूएचओ) दक्षिणपूर्वी एसियाको क्षेत्रीय निर्देशकमा पराजित गरेकी बङ्गलादेशकी अपदस्त प्रधानमन्त्री शेख हसिना पुत्री साइमा वाजेद विवादमा आएकी छिन् ।

क्यानडा र बंगलादेश दुवै देशको नागरिकता भएको भन्दै उनी विवादमा आएकी हुन् । डब्लूएचओमा नियुक्त हुँदा पनि बंगलादेशी नागरिकको रूपमा भएको भन्दै अहिले आलोचना भएको बंगलादेशी अखबार प्रोथम आलोले उल्लेख गरेको छ ।

सन २०२४ को फेब्रुअरीबाट आचार्यलाई चुनाव जितेर कार्यभार सम्हालेकी थिइन् । वाजेदले ११ देशका सदस्य भएको चुनावमा नेपालका आचार्यले २ मत मात्रै पाउँदा वाजेदले ८ मत पाएकी थिइन ।

नेपाल, भारत, भुटान, बंगलादेश, श्रीलंका, माल्दिभ्स, उत्तरकोरिया, इन्डोनेसिया, श्रीलंका, थाइल्याण्ड र म्यानमार सदस्य तथा मतदाता भएको चुनावमा नेपाल सरकारका तत्कालीन प्रधानमन्त्री पुष्प कमल दाहाल ‘प्रचण्ड’ले गर्नुपर्ने जत्ति पहल नगरेको आरोप लाग्दै आएको छ ।

आइतबार ललितपुरको पाटन ढोकाको बग्गीखानामा हलमा आयोजित कार्यक्रममा पत्रकार तथा चिन्तक कनकमणि दीक्षितले नेपाल सरकारले मोदीको लय के होला भन्ने सोच्दासोच्दै नेपाली उमेदवारलाई जिताउन नकसेको बताएका थिए ।