ला–लिगा : बार्सिलोनाले घटायो रियालसँगको दुरी

हेटौँडा । स्पेनिस ला–लिगा अन्तर्गत आइतबार राति भएको खेलमा बार्सिलोनाले सानदार जित हासिल गरेको छ । खेलमा सेभिल्ललाई ४-१ ले हराएपछि पहिलो स्थानको रियल म्याड्रिडसँगको बार्साको दुरी पनि अब दुई अंकमा मात्र सीमित भएको छ ।

गएराति भएको खेलमा सेभिल्लालाई हराउने क्रममा रोवर्ट लोवान्डोस्की, फर्मिन लोजेज, राफिल्हा र एरिक गार्सियाले समान एक-एक गोल गर्दा सेभिल्लाको तर्फबाट एक मात्र सान्त्वना गोल रुबेन भारगासले गरेका थिए ।

खेलमा सुरुवाती अग्रता लेवान्डोस्कीको गोल मार्फत बार्साले लिएको थियो । खेलको सातौँ मिनेटमा यो सिजन ला–लिगामा १९ औँ गोल गर्दै लेवन्डोस्कीले टिमलाई अग्रता दिलाएका थिए । तर त्यसको एक मिनेट पछि नै सेभिल्लाका रुबेनले गोल गरेपछि खेल बराबरी भयो ।

त्यसयता ४६ मिनेटमा लोपेज, ५५ औँ मिनेटमा राफिन्हा र ८९ मिनेटमा गार्सियाले गोल गरेपछि बार्सिलोनाले सानदार जित निकाल्यो ।

बार्सिलोनाको लागि खेलको ६२ औँ मिनेटमा स्कोरर लोपेज रातोकार्ड खाँदै बाहिरिन परेको थियो ।

जितपछि २३ खेलबाट ४८ अंक सहित बार्सिलोना तालिकाको तेस्रो स्थानमा छ । पहिलो स्थानको रियलको समान खेलबाट ५० अंक छ भने दोस्रो स्थानको एट्लेटिको म्याड्रिडको समान खेलबाट ४९ अंक रहेको छ ।