मुख्य खेलाडीलाई विश्राम दिएको लिभरपुल एफए कपबाट बाहिरियो

हेटौँडा । आफ्ना प्रमुख खेलाडीलाई विश्राम दिएर एफए कपको चौथो चरणको मैदानमा ओर्लिएको लिभरपुल पराजित भएको छ ।

अर्ने स्टलको टोली लिभरपुलले प्लाइमाउथसँग १-० को हार बेहोरेसँगै यो सिजनको एफए कपको यात्रामा पूर्णविराम लगाएको छ ।

लिभरपुल आफ्ना प्रमुख स्टार महोमत सलाह, नुनेज, गोप्को, कोन्टो, कप्तान भान डिजिक सहित ९ प्रमुख खेलाडीविना मैदानमा ओर्लिएको थियो ।

आफू भन्दा कमजोर क्लब विरुद्ध प्रशिक्षक स्टलले दोस्रो रोजाइको खेलाडीको परीक्षण गर्दा यो निर्णय उनलाई नै भारी परेको छ ।

हारपछि प्रशिक्षक स्टलको आलोचना समेत भएको सन्दर्भमा उनले आफूहरू च्याम्पियन्स लिग, लिग कप र प्रिमियर लिगमा केन्द्रित हुने धारणा व्यक्त गरे।