अर्जुन ट्रफी : धनगढीलाई हराउँदै अत्तरिया फाइनलमा

काठमाडाैं । धनगढीमा जारी अर्जुन ट्रफी राष्ट्रिय टि २० प्रतियोगिताको फाइनलमा डडेलधुरा र धनगढी टिम भिड्ने भएका छन् । आज भएको दोस्रो सेमिफाइनलमा धनगढीलाई हराउँदै अत्तरियाले फाइनलमा स्थान पक्का गरेको हो ।

टस जितेर पहिले ब्याटिङ गरेको धनगढीले बलियो स्कोर खडा गर्न सकेनन् । प्रतियोगितामा पहिलोपटक धनगढीका लागि दीपेन्द्रसिंह ऐरी उपलब्ध थिए । तर, उनी पनि खासै चलेनन् । धनगढीले निर्धारित २० ओभरमा १०८ रनमै अलआउट भयो ।

अत्तीरयाका बलरहरु विवेक यादव र कमल गुप्ताले दुई दुई विकेट बाँडेका थिए । कसिलो बलिङ गरेका विवेकले ४ ओभरमा १९ रन मात्र खर्चिए । रसिद खान, दिपेश कँडेल, साहब आलमले एक–एक विकेट बाँडे ।

१०९ रनको सामान्य लक्ष्य अत्तरियाले १८ ओभरमा ४ विकेट गुमाएर भेट्टायो । अत्तरियाले ४ ओभरमै दुई विकेट गुमाएर कमजोर सुरुवात गरेको थियो । तर तेस्रो नम्बरमा आएका शंकर रानाले अविजित अर्धसतक बनाउँदै टिमलाई जितसम्म डोहोर्याए । भीम सार्कीले १६ रन, दिपेश कँडेलले २४ रन र विवेक यादवले १२ रन बनाए ।
फाइनल भिडन्त भोलि हुनेछ ।