डेब्यु खेलमा डुरानको सनसनी, नासरको जित

काठमाडौं। कोलम्बियाली फर्वाड जोन डुरानले साउदी प्रो लिगको आफ्नो डेब्यु खेलमा सनसनीपूर्ण प्रदर्शन गरेपछि अल-नासरले अल-फयहामाथि ३-० को प्रभावशाली जित निकालेको छ ।

इङ्लिस क्लब एस्टन भिल्लाबाट गत साता मात्र साउदी आइपुगेका डुरानले डेब्यु खेलमानै ब्यक्तिगत दुई गोल गर्दै नासरलाई जित दिलाउन महत्वपूर्ण भुमिका निर्वाह गरे ।

२१ वर्षिय डुरानले २२ र ७२ औं मिनेटमा गोल गर्दै टिमलाई महत्वपूर्ण तीन अङ्क दिलाए । अल नासरको लागि अर्को गोल बुधबारमात्र ४० वर्ष पुगेका रोनाल्डोले गरे ।

जितपछि नासार तालिकाको तेश्रो स्थानमा यथावत छ । १९ खेलबाट ४१ अङ्क बटुलेको नासर पहिलो स्थानको पहिलो स्थानको अल-इतिहाद भन्दा ८ अङ्क पछि छ । दोश्रो स्थानको अल(हिलालको भने १८ खेलबाट ४६ अङ्क छ ।