केनको उत्कृष्ट प्रदर्शनमा म्युनिख विजयी

काठमाडौं । ह्यारी केनले उत्कृष्ट प्रदर्शन गरेपछि जर्मनको बुन्डेस लिगामा बायर्न म्युनिखले सानदार जित दर्ता गरेको छ ।

शुक्रबार राती भएको खेलमा म्युनिखले ब्रेडर ब्रेननलाई ३-० ले हरायो । बायर्नको जितमा इङ्लिस स्टार केनले दुई गोल गरे भने लेरोय सानेले एक गोल गरे ।

जितपछि २१ खेलबाट ५४ अङ्क सहित बायर्न पहिलो स्थानमा यथावत रहदा २० खेलबाट ४५ अङ्क बटुलेको डिफेन्डिङ च्याम्पियन वायर लेभरकुजन दोश्रो स्थानमा छ । पराजित ब्रेनन ३० अङ्क सहित आठौं स्थानमा छ ।