लिभरपुल लिग कपको फाइनल प्रवेश

हेटौँडा । लिग कपको नामबाट चिनिने इएफएल कपमा टोटानह्याम्प विरुद्ध विशाल जित निकाल्दै लिभरपुलले फाइनलमा स्थान पक्का गरेको छ ।

पहिलो सेमिफाइनल लिगमा टोटनह्याम्पसँग १-० को अप्रत्याशित हार बेहोरेको इंलिश प्रिमियर लिगको लिग लिडर लिभरपुलले दोस्रो लेगमा विशाल जित निकाल्दै फाइनलमा स्थान बनाएको हो ।

घरेलु मैदान एनफिल्डमा भएको खेलमा सबै पक्षमा लिभरपुल बलियो देखिएको थियो ।

लिभरपुलको जितमा कोडि गक्पो, महोमद सलाह, डोमिन र भान डिजिकले समान एक-एक गोल गर्दै टिमलाई फाइनल यात्रा तय गराए ।

लिभरपुलले मार्चमा हुने फाइनलमा न्युक्यास्टल युनाईटेडको सामना गर्ने छ ।