दक्षिण अफ्रिकामा हुने जी-२० बैठकमा अमेरिका गयल हुने

काठमाडौं । अमेरिकी विदेश मन्त्री मार्को रुबिओले दक्षिण अफ्रिकाको जोहानेसबर्ग सहरमा हुने जी-२० सम्मेलनमा नजाने बताएका छन्।

दक्षिण अफ्रिकाले नीजि सम्पत्ति कब्जा गरेको, ‘ प्रतिबद्धता’ , ‘ समानता’ र ‘ दिगोपन’ जस्ता अहिलेको ट्रम्प सरकारले अस्वीकार गरेका मुद्दालाई जी-२० मा बोकेकोले नजाने बताएका छन् ।

आफूले ‘अमेरिका विरुद्ध’को काममा करदाताको पैसा नफाल्ने रुबिओले दाबी गरेका छन् ।

सामाजिक सञ्जाल एक्समा उनको यो धारणा आएपछि धेरैले इजरायललाई नरसम्हार मुद्दा लाएकोले नगएको टिप्पणी गरेका छन् ।

आगामी नोभेम्बर २२ बाट २५ सम्म दक्षिण अफ्रिकाको जोहानेसबर्गमा विश्वका २० शक्तिशाली अर्थतन्त्र अर्थात् जी-२० शिखर सम्मेलन छ ।

अमेरिका नजाने पक्का भएसँगै विश्वको नम्बर १ अर्थतन्त्र गयल हुने निश्चित भएको हो ।