‘लाज शरणम्’को पहिलो गीत ‘हेर्दा हेर्दैमा’ सार्वजनिक (भिडिओ)

काठमाडौं । हाँस्य टेलिश्रृंखला‘सक्क्गिोनी’ टिमले निर्माण गरेको चलचित्र ‘लाज शरणम्’को पहिलो गीत ‘हेर्दा हेर्दैमा’ सार्वजनिक भएको छ ।

यो गीतलाई चलचित्रको प्रोमोसनल गीत भनिएको छ। शान्तीश्री परियार र आशिष अविरलको स्वर रहेको गीतमा आनन्द अधिकारीको शब्द रचना छ । गीतमा कृष्ण भारध्वजले संगीत भरेका छन् ।

प्रोमोसनल गीत भएकाले सार्वजनिक गीतमा चलचित्रका सबै कलाकारहरुलाई देख्न सकिन्छ। निर्माण टिमले हाट बजारको सेटअपमा भिडियो खिचेका छन। गीतमा माला लिम्बूसँगै गजित विष्ट पनि छन। गजित गेष्ट अपिरियन्सको रुपमा गीतमा देखिएका हुन।

चलचित्र ‘लाज शरणम्’ मा लेखक, कलाकारदेखि निर्देशकसम्म ‘सक्किगोनि’को टिम छ । चलचित्रको मुख्य भूमिकामा सिताराम कट्टेल ‘धर्मुस’ मुख्य भूमिकामा छन् । फागुन १४ गते महाशिवरात्रिको अवसरमा प्रदर्शन हुने यो चलचित्रलाई कुमार कट्टेलले निर्देशन गरेका हुन् ।

‘चलचित्रमा धुर्मुससँगै अर्जुन घिमिरे, सागर लम्साल, हरिष निरौला, प्रियाना आचार्य, विजय बराल, महेश त्रिपाठी, अर्पण थापा, रेणु योगी, विजय लामा, मुकुन्द श्रेष्ठ, माला लिम्बूलगायत कलाकारको अभिनय छ । जेपिटी क्रियसनको ब्यानरमा निर्माण भएको चलचित्रमा नवीन श्रेष्ठ निर्माता, राम नरेश शाह र सृजना खड्का सह–निर्माताको रूपमा रहेका छन् ।