दिल्ली चुनावको एक्जिट पोलमा २७ वर्षपछि बीजेपी आगमनको संकेत

काठमाडौं । बुधवार भारतको राजधानी क्षेत्र समेटिएको दिल्लीको चुनावमा भारतीय जनता पार्टी (बीजेपी)को अग्रता देखिएको छ ।

अग्रता एक्जिट पोलहरूमा देखिएको हो । भारतीय मिडियाहरूले बीजेपीले २७ वर्षपछि दिल्लीमा आगमन गरेको बताएका छन् ।

बीजेपीबाट मुख्यमन्त्री बनेका महाराष्ट्रका मोहन यादवले त दिल्लीमा बीजेपीको मुख्यमन्त्री बन्ने उद्घोष गरेको भारतीय समाचार च्यानल एएनआईले उल्लेख गरेको छ ।

बेलायती अखबार गार्डियनका अनुसार बीजेपीले ४३ सिट ल्याउँदा आम आदमी पार्टी (आप)को २६ सिट मात्रै आउने एक्जिट पोलको नजिता आएको भन्दै बीजेपीको सरकार बन्न सक्ने बताए ।

सन २०२० को चुनावमा आम आदमी पार्टीले दिल्लीका ७० सिटमा ६२ सिट ल्याएको थियो भने बाँकी ८ बीजेपीले ल्याएको थियो । यो चुनावसँगै दिल्लीको सत्ताको दशकबाट आम आदमी पार्टी बढारिने अनुमान सुरु भएको छ ।

भ्रष्टाचार विरोधी अभियानबाट दिल्ली सत्तामा आएको आम आदमी पार्टीलाई एक समय राष्ट्रिय दल बन्ने धेरैको आँकलन थियो । तर, यो वर्षको दिल्ली चुनावले उसलाई दिल्लीको सत्ताबाटै बाहिर ल्याउने देखाएको छ ।