पाथीभरामा ‘नो केबलकार’ को आन्दोलन स्थगित, यस्तो छ सरकारसँगको ६ बुँदे सहमति
नेपाल प्रेस
२०८१ माघ २२ गते २२:५४
काठमाडौं । ताप्लेजुङको पाथीभरामा केबलकार निर्माण गर्न नहुने भन्दै जारी आन्दोलन स्थगित हुने भएको छ । मंगलबार सरकारसँग ६ बुँदे सहमति भएसँगै आन्दोलनकारीले आफ्ना कार्यक्रम फिर्ता लिएका हुन् ।
सहमतिमा पाथीभरा केबलकारको स्टेसनमाथिको निर्माण कार्य स्थगन गर्ने र स्टेसनका सन्दर्भमा आगामी वार्तामा विस्तृत छलफल गर्ने, आन्दोलनका क्रममा घाइते भएकाको सरकारले उपचार गर्नेलगायत बुँदा छन् ।
यस्तो छ सहमतिः
१. पाथीभरा केबलकारको स्टेसनमाथिको निर्माण कार्य स्थगन गर्ने र स्टेसनका सन्दर्भमा आगामी वार्तामा विस्तृत छलफल गर्ने ।
२. सरकारले घोषणा गरे बमोजिम आन्दोलनका क्रममा घाइते भएकाहरुको निःशुल्क र प्रभावकारी रुपमा स्वास्थ्य उपचार गर्ने ।
३. २०८१ माघ १२ गते भएको घटनाको विषयमा छानबिन गरी कानुनी कारबाही गर्ने ।
४. आन्दोलनका क्रममा थुनामा रहेका थुनुवा बन्दीहरुको विना शर्त तत्काल रिहाइको प्रक्रिया प्रारम्भ गर्ने ।
५. मुक्कुमलुङ संरक्षक पक्षबाट अनिश्चितकालीन यातायात बन्द स्थगन गर्ने ।
६. मुक्कुमलुङ संरक्षक पक्षधरहरुबाट वार्ताका दौरानमा माग भएका पाथीभरा केबलकार आयोजना निर्माणमा रहेका असहमति लगायतका विषयका सम्बन्धमा विस्तृत छलफल गर्न अर्को वार्ता मिति २०८१ माघ २७ गते बिहान ११ बजे आयोजना गर्ने ।
नेपाल प्रेस
प्रकाशित: २०८१ माघ २२ गते २२:५४
प्रतिक्रिया
One thought on “पाथीभरामा ‘नो केबलकार’ को आन्दोलन स्थगित, यस्तो छ सरकारसँगको ६ बुँदे सहमति”
Leave a Reply
सम्बन्धित खवर
नेपाल अपडेट
ट्रेन्डिङ
लोकप्रिय (यो साता)
केवलकारको स्टेसनमाथिको काम हाललाई स्थगित गर्ने र सो सम्बन्धमा माघ २७ गते वार्ता गर्ने भनिएको छ । यसो भनेको स्टेसनको काम अघि बढने तर त्यो माथिको काम चाहि हाललाई नगर्ने भन्ने सम्झौता भएछ ।यो राम्रो कुरा हो । यसबाट स्टेसनको काम पनि हुँदै जाने र वार्ता पनि हुँदै जाने वातावरण बनेछ । यसलाई सकारात्मक रूपमा लिनुपर्छ । आन्दोलनरत पक्ष पनि केबलकारको पूर्ण विरोधमा होईन रहेछ भन्ने नै देखियो ।