भारतका पाँच वामपन्थी दल, बजेटमा आपत्ति जनाउँदै आए एकै ठाउँ – Nepal Press

भारतका पाँच वामपन्थी दल, बजेटमा आपत्ति जनाउँदै आए एकै ठाउँ

काठमाडौं । भारतका पाँच वामपन्थी दलले हालै प्रस्तुत भारतको बजेटमा विरोध जनाएका छन् । भारतीय कम्युनिष्ट पार्टी (मारेक्सवादी), भारतीय कम्युनिष्ट पार्टी, भारतीय कम्युनिष्ट पार्टी (माले) लिबरेसन, क्रान्तिकारी समाजवादी पार्टी र अल इन्डिया फर्वाड लिगले संयुक्त विज्ञप्ति निकालेर बजेटमा आपत्ति जनाएको हुन् ।

पाँच वामपन्थी दलले एकै स्वरमा भारतको बजेटको विरोध गरेका छन् । साथै उनीहरुले आठ बुँदे माग अघि सारेका छन् ।

यस्ता छन् आठ बुँदे माग

१) डलरका २०० अर्बपतिमाथि ४ प्रतिशत धन कर लगाउनुपर्ने ।

२) न्यूनतम कृषि समर्थन मूल्यको प्रत्याभूति हुनुपर्ने तथा कृषि बजारीकरणको विधेयकको मस्यौदा फिर्ता हुनुपर्ने ।

३) सार्वजनिक क्षेत्रको निजीकरण तथा सार्वजनिक सम्पत्ति निजी क्षेत्रलाई बुझाउन अन्त्य गर्नुपर्ने । बीमामा १०० प्रतिशत प्रत्यक्ष वैदेशिक लगानीको अन्त्य हुनुपर्ने ।

४) माहात्मा गान्धी ग्रामीण रोजगार प्रत्याभूति ५० प्रतिशत बढाउनुपर्ने र शहरी क्षेत्रको रोजगार प्रत्याभूतिको ऐन जारी गर्नुपर्ने । वर्तमान सामाजिक सुरक्षा र पेन्सनको व्यवस्था बढाउनुपर्ने ।

५) जीडीपीको ३ प्रतिशत स्वास्थ्यमा र ६ प्रतिशत शिक्षामा लगाउनुपर्ने ।

६) सार्वजनिक वितरण प्रणालीलाई बलियो बनाउन खाद्य सहुलियत बढाउनुपर्ने ।

७) महिला तथा बालबालिका क्षेत्रमा लगानी र सुरक्षा बढाउनुपर्ने ।

८) राज्यमा केन्द्रबाट जाने पैसा र परियोजना रकम बढाउनुपर्ने । पेट्रोलियम पदार्थको अतिरिक्त मूल्य अन्त्य गर्नुपर्ने ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर