यी युवकसित डेट गर्दैछिन् ‘सकम्बरी’, टिकटकमा प्रेम छताछुल्ल
करिअर सुस्ताउँदै, अफेयर मौलाउँदै


काठमाडौं । मोडल कुसुम शर्मा उर्फ सकम्बरी केही दिनदेखि लगातार एक युवकसँगका रोमान्टिक भिडिओहरु टिकटकमा पोस्ट गरिरहेकी छन् । यी पोस्टहरु कुनै म्युजिक भिडिओसँग सम्बन्धित होइनन् ।
कुसुमसँग अन्तरंग सम्बन्धमा देखिएका यी युवक हुन् विश्व अधिकारी । कुसुम र विश्वले डेट गरिरहेको टिकटक भिडिओहरुबाटै भेउ पाइन्छ ।
विश्वले पनि आफ्नो टिकटक अकाउन्टमा कुसुमसँगका भिडिओहरु दनादन हालिरहेका छन् । ती भिडिओका क्याप्सनमा आपसी प्रेम सम्बन्धको खुला स्वीकारोक्ति गरिएको हुन्छ ।
गत असोज २२ गते कुसुमको जन्मदिनमा इन्स्टाग्राममा विश्वले उनीसँगको तस्बिरसहित ‘ह्याप्पी बर्थ डे लभ’ लेखेका थिए । सोही पोस्टले उनीहरु अफेयरमा रहेको जनाउ मिलेको थियो । त्यसपश्चात टिकटकमा उनीहरु खुल्न थालेका हुन् ।
कुसुमसँगको एउटा टिकटक भिडिओमा विश्वले लेखेका छन्, ‘टाढा रहेको प्रत्येक पल एक जुनीजस्तो लाग्छ । तिमीलाई फेरि भेट्ने प्रत्येक सेकेन्डहरु गनिरहेको छु ।’
उक्त भिडिओमा कुसुमले जवाफ फर्काउँदै लेखेकी छन्, ‘आइ लभ यू गुडिया ।’ कुसुमका प्रेमी मोडलिङ वा चलचित्र क्षेत्रका होइनन् । कुसुमले आफ्नो प्रेमीका विषयमा सार्वजनिकरुपमा केही पनि बताएकी छैनन् । निकटस्थहरुका अनुसार उनीहरु नजिकिएको केही महिना भएको छ ।
सुस्ताइरहेको करिअर
प्रकाश सपुतको गीत ‘फुलमाया’ बाट उदाएकी मोडल हुन् कुसुम । उनको पहिलो म्युजिक भिडिओ नै ब्लकबस्टर भएको थियो । अहिलेसम्म यो म्युजिक भिडिओले ६ करोड ६० लाखभन्दा बढी भ्यूज पाइसकेको छ ।
‘सकम्बरी’ को भूमिकामा जबरजस्त छाप छोडेपछि उनी निकै डिमान्डेड बनिन् । ब्याक टु ब्याक भिडिओहरु गरिन् । यद्यपि, सकम्बरीको सफलता दोहोरिन सकेन । आजका दिनसम्म आइपुग्दा कुसुमको चर्चा सेलाएको छ । पहिलोजस्तो लाइमलाइटमा छैनन् । चलचित्रमा डेब्यू पनि गरिन्, तर सफल भइनन् । उनले अभिनय गरेको पहिलो चलचित्र फ्लप भएको थियो ।
कुसुमको पारिवारिक पृष्ठभूमि पनि केही फरक छ । उनी बच्चै हुँदा बुबा र आमाको डिभोर्स भएको थियो । आमाले अर्को विवाह गरिन् र छोरीलाई आफैंसँग राखिन् । दोस्रो बुबाले कुसुमलाई आफ्नै छोरीसरह माया दिएर हुर्काएका थिए ।
कुसुम पढाइले नर्स हुन् । कोरोनाकालमा आमा बिरामी हुँदा राम्ररी स्याहार्न नसकेपछि उनले नर्सिङ अध्ययन गरेकी थिइन् यद्यपि, सानैदेखि हिरोइन् बन्ने सपना थियो । त्यही सपना पछ्याउँदै काठमाडौं आइन् । प्रकाश सपुतका भाइ सुनील उनका साथी थिए । सुनीलमार्फत नै उनी प्रकाश सपुतसम्म पुगिन् । सपुतले उनलाई आफ्नो गीतबाट ब्रेक दिए ।
कुसुम र सुनीलबीच अफेयरको चर्चासमेत चल्ने गरेको थियो । तर, दुवैले यसलाई नकार्दै आएका थिए । अहिले उनीहरुबीच दूरी बढेको छ ।