राप्रपा बैठक- अध्यक्ष लिङ्देनसहितको प्रतिवेदनमाथि छलफल जारी

काठमाडौं । राष्ट्रिय प्रजातन्त्र पार्टी (राप्रपा) को केन्द्रीय कार्यसमितिको बैठक आज पनि जारी छ।

काठमाडौंको धुम्बाराहीस्थित एस.आर बैङ्क्वेटमा चलिरहेको बैठकमा हिजो पेस भएका सबै प्रतिवेदनमाथि छलफल चलिरहेको प्रवक्ता मोहन श्रेष्ठले बताए।

हिजोबाट सुरु भएको बैठकमा अध्यक्ष राजेन्द्र लिङ्देन राजनीतिक प्रतिवेदन, महामन्त्री एवं सचिवालय प्रमुख राजेन्द्र गुरुङले सचिवालयको प्रतिवेदन, कोषाध्यक्ष नीलकण्ठ काफ्लेले आर्थिक प्रतिवेदन पेश गरेका थिए।

यस्तै, बैठकमा महामन्त्री डा.धवल शमशेर राणाले आन्दोलनसम्बन्धी कार्ययोजना पेश गरेका छन्। उनले अध्यक्षको चर्को आलोचनासहित १६ बुँदे राजनीतिक विचार पेस गरेका थिए।

हिजोकै बैठकमा प्रदेश अध्यक्षहरुबाट आ-आफ्नो प्रदेशको प्रतिवेदन र केन्द्रीय निर्वाचन समितिको प्रतिवेदन पेश गरेका थिए।