मकवानपुरमा बन्दुकसहित एक जना पक्राउ

२०८१ माघ ९ गते १७:२४

हेटौंडा । मकवानपुर प्रहरीले भरुवा बन्दुकसहित एक पुरुषलाई पक्राउ गरेको छ ।
प्रहरीले मकवानपुरको मनहरी गाउँपालिका- ९ हरियाली सामुदायिक वन क्षेत्रबाट बन्दुक बोकेर हिँडिरहेका राक्सिराङ गाउँपालिका- १ गडुवानका जितबहादुर थिङलाई पक्राउ गरेको हो ।
थिङको साथबाट फलामको बेरिङ ९ थान, फलाम जस्तो देखिने लाम्चो आकारको वस्तु ३३ थान, ३०५ ग्राम बारुद र एक थान खुकुरी बरामद गरेको प्रहरीले जनाएको छ ।
थिङलाई हातहतियार तथा खरखजना मुद्दामा अनुसन्धान गरिरहेको प्रहरीको भनाइ छ ।
प्रतिक्रिया
सम्बन्धित खवर