तामाङ समाज पोर्चुगलद्वारा सोनाम ल्होछार विशेष कार्यक्रम गर्दै – Nepal Press

तामाङ समाज पोर्चुगलद्वारा सोनाम ल्होछार विशेष कार्यक्रम गर्दै

पोर्चुगल । तामाङ समाज पोर्चुगलले मञ्जुश्री संवत २८६१, डुलसा पुख्री ल्होको अवसरमा सोनाम ल्होछार विशेष कार्यक्रम आयोजना गर्ने भएको छ ।

शुभकामना आदान–प्रदान तथा विविध सांस्कृतिक प्रस्तुतिसहितको यो कार्यक्रम आगामी फेब्रुअरी २ तारिख, आइतबारका दिन राजधानी लिस्बनमा सम्पन्न हुनेछ ।

सन् २०११ मा ‘तामाङ जातिको परिवर्तनः शैक्षिक तथा आर्थिक सुदृढीकरण’ भन्ने मूल नाराका साथ स्थापना भएको तामाङ समाज पोर्चुगलले यस वर्ष पनि विगतको परम्परालाई निरन्तरता दिँदै यो पर्व मनाउन लागेको संस्थाका अध्यक्ष गोपाल योञ्जनले जानकारी गराएका छन् ।

तामाङ जातिको मौलिक भाषा, धर्म, संस्कार, संस्कृति र भेषभूषाको संरक्षण तथा प्रवद्र्धन गर्दै नेपाली राष्ट्रिय पर्वहरूको प्रचार–प्रसारका लागि यस संस्थाले विभिन्न कार्यक्रमहरू गर्दै आएको छ ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर