प्रवासी नेपाली मञ्चको आयोजनामा जापानमा हुने प्रशिक्षणमा एमाले महासचिव सहभागी हुने – Nepal Press

प्रवासी नेपाली मञ्चको आयोजनामा जापानमा हुने प्रशिक्षणमा एमाले महासचिव सहभागी हुने

टोकियो । प्रवासी नेपाली मञ्च जापानले नेकपा (एमाले) का महासचिव शंकर पोखरेलको प्रमुख आतिथ्यतामा आन्तरिक प्रशिक्षण तथा खुला अन्तरक्रिया कार्यक्रम आयोजना गर्ने भएको छ ।

एमालेको प्रवास संगठन प्रवासी नेपाली मञ्चले आन्तरिक प्रशिक्षणसहित जापानको मुख्य तीन शहरमा खुला अन्तरक्रिया कार्यक्रम आयोजना गर्ने भएको हो ।

जापानमा रहेका नेपालीहरूसँग प्रवासको चुनौती र राज्यले गर्नु पर्ने सहयोग लगायत विषयमा खुला अन्तरक्रिया कार्यक्रम समेत आयोजना हुने अध्यक्ष कुलचन्द्र खरेलले जानकारी दिए ।
खुला कार्यक्रममा उपस्थितिको लागि संघ-संस्थाका नेतृत्वहरूलाई निमन्त्रणा गरेको र मञ्च सम्बद्ध सदस्य तथा सल्लाहकारहरूको उपस्थित हुने सचिव राजेन्द्र श्रेष्ठले बताए ।

नागोयामा आन्तरिक प्रशिक्षण हुने
प्रवासी नेपाली मञ्च जापानले १ फेब्रुअरी २०२५ नागोयामा
आन्तरिक प्रशिक्षण हुने भएको छ । बिहान ११ बजेबाट आन्तरिक प्रशिक्षण हुने नागोयाका क्षेत्रीय अध्यक्ष नरेश राईले जानकारी दिए ।

जापानबाट प्रतिनिधित्व गर्ने अन्तर्राष्ट्रिय कमिटीका सदस्य, पूर्वी एसिया महादेशीय संयोजक, सदस्यहरू, राष्ट्रिय कमिटीका सल्लाहकारहरू, चुवु क्षेत्रीय कमिटी नागोया, कान्साई क्षेत्रीय कमिटी ओसाका, क्यूस्यू क्षेत्रीय कमिटी फुकुओका तिन वटै क्षेत्रका मञ्चका सदस्यहरूलाई राखेर प्रशिक्षण गराउन लागेको हो ।

ओकिनावा प्रशिक्षण र अन्तरक्रिया
एमाले केन्द्रीय सदस्य डा. सूर्य प्रसाद पाठकको प्रमुख उपस्थितिमा ओकिनावामा फेव्रुअरी ९ तारिख दिउसो १ बजे देखी ५ बजेसम्म प्रशिक्षण हुने छ ।
ओकिनावा क्षेत्रीय कमिटीका सदस्यहरू, सल्लाहकारहरू, विभागीय र मञ्च सम्बद्ध सदस्यहरूको प्रशिक्षण र त्यसपछि
खुला हुने भएको हो ।

कार्यक्रममा स्थानीय संघसंस्था, ओकिनावा निवासी नेपालीहरूसँग खुला अन्तरक्रिया आयोजना गरेको प्रवासी नेपाली मञ्च अन्तर्राष्ट्रिय कमिटी सदस्य तथा जापान इन्चार्ज सुरेश केसीले जानकारी दिए ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर