‘एक्टरः टेक वन’ को ट्रेलर सार्वजनिक – Nepal Press

‘एक्टरः टेक वन’ को ट्रेलर सार्वजनिक

काठमाडौं । चलचित्र ‘एक्टरः टेक वन’ को ट्रेलर सार्वजनिक गरिएको छ । माघ १६ मा प्रदर्शन हुने चलचित्रको राजधानीमा एक विशेष कार्यक्रम गरी ट्रेलर सार्वजनिक गरिएको हो ।

राजन भुसालद्वारा निर्देशित चलचित्रको ट्रेलरमा मुख्य भूमिका निभाउने प्रदीप खड्का, आना शर्मा, दिव्या रायमाझी र राजबल्लभ कोइरालालाई विशेष रूपमा फिचर गरिएको छ ।

चलचित्रमा निश्चल बस्नेतको इन्ट्रीलाई ट्रेलरले सस्पेन्सपूर्ण बनाएको छ । चलचित्रमा प्रदीप, आना, दिव्या र राजबल्लभसँगै दिव्यदेव, उषा रजक, सुशील सिटौलालगायतको भूमिका रहेको छ ।

राजनको डेब्यु निर्देशकीय यस चलचित्रबाट अभिनेता कोइराला १० वर्षपछि ठूलो पर्दामा फर्किँदैछन् । त्यस्तै दिव्या रायमाझीले यही चलचित्रबाट आफ्नो अभिनय यात्रा सुरु गरेकी छन् ।

अदृत फिल्मस् र मोती फिल्मस्को संयुक्त प्रस्तुतिमा निर्माण भएको चलचित्रको स्क्रिप्ट आकाश बराल र राजन भुसालले लेखेका हुन् । थमनकुमार भण्डारीले निर्माण गरेको चलचित्रमा अनिश भुसाल सहनिर्माता र मोती कार्की क्रियटिभ प्रोड्युसर छन् ।

चलचित्रको वितरणको जिम्मा एप्पल इन्टरटेन्टमेन्ट र डीसीएनले लिएका छन् ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर