विराटनगर आएका प्रचण्डको बास छोरीज्वाइँको घरमा- भोलि बिहानदेखि साँझसम्म यस्तो छ सेड्यूल


विराटनगर । मोरङमा हुने कार्यक्रममा सहभागी हुन विराटनगर आएका माओवादीअध्यक्ष पुष्पकमल दाहाल प्रचण्ड छोरी ज्वाईकामा बासेका छन् । शुक्रबार साँझ विराटनगर आइपुगेका प्रचण्ड पार्टीका केन्द्रीय सदस्य समेत रहेका कान्छा ज्वाई जीवन आचार्यको घरमा बास बसेका हुन् ।
प्रचण्ड आज कान्छी छोरी र नातिनीसहित आएका हुन् । आचार्यको घर विराटनगर–१ पोखरियामा रहेको छ । छोरी र नातीनीसहित आएका प्रचण्डले शनिबार बिहान ६ बजेदेखि ७ बजेसम्म पोखरियादेखि जिल्ला प्रशासन कार्यालय मोरङको कार्यालय रहेको स्थानसम्म मनिङवाक गर्ने कार्यक्रम छ ।
उक्त कार्यक्रम सकेर प्रचण्ड विराटनगर १ मै रहेको पार्टीका केन्द्रीय सदस्य शिवकुमार मण्डलको घरमा नास्ता खाने र बिहान ९ बजेदेखि १० बजेसम्म विराटनगर १९ मा रहेको गिरिजाप्रसाद कोइराला क्रिकेट रंगशालाको अनुगमन गर्ने कार्यक्रम छ ।
यस्तै १० बजेदेखि ११ बजेसम्म होटल एसियाटिकमा आयोजित एक कार्यक्रममा सहभागी हुने र केही भेटघाट कार्यक्रम गरेर मोरङको ग्रामथान झोराहाटमा स्थानीयसँग केही भेटघाट गर्ने कार्यक्रम छ ।
यस्तै १२ः३० बजे खाना खाएर ग्रामथानको तेतरियामा आयोजित बधाई ज्ञापन तथा खबरदारी सभामा १ बजे सहभागी हुने कार्यक्रम छ । दिउँसो ४ बजे कार्यक्रम सकेर प्रचण्ड राजधानी फर्किने कार्यक्रम रहेको माओवादीले जनाएको छ ।
मर्निङ्ग वाकको समय त लेखेछौ, विहान ट्वाईलेट चाहिँ कति बजे जाने कार्यक्रम रहेछ उनको लेखेनौ नि ? वाहियात पत्रकार ।