एलिना चौहानको वैवाहिक जीवनमा तनाव, श्रीमानबाट हिंसा भोगेकी हुन् ?


काठमाडौं । गायिका एलिना चौहान आफ्नो वैवाहिक जीवनलाई लिएर फेरि एक पटक चर्चामा आएकी छन् । श्रीमान विष्णु सापकोटासँग उनको सम्बन्ध बिग्रेको र डिभोर्सकै नजिक पुगेको दाबी गरिएको छ ।
लोकगायिका ज्योति मगरले तीन दिन अगाडि एउटा स्टाटस लेखेकी थिइन्, जसमा एक ‘गायिका बहिनी’ ले उनलाई आफ्नो श्रीमानबाट खेपेको हिंसाको कथा सुनाएको प्रसंग उल्लेख थियो ।
ज्योतिले पछि डिलिट गरेको उक्त स्टाटसमा लेखिएको थियो, ‘आज काठमाडौंदेखि पोखरा जाने क्रममा एक चर्चित गायिका बहिनीसँग भेट भयो । २५ मिनेटको छोटो यात्रामा उनले पीडाहरू खोलिन् र बरर्र आँसु झारिन् । उनको रगताम्मे अनुहार, आँखा र मुखभरि निलडाम घाउको फोटो देखाउँदै अरु कसैलाई नभन्नुहोला दिदी यस्तोसम्म भोगें मैले… उनलाई मैले स्ट्रङ होउ मुभ अन गर त भनें, तर मेरो मन अति नै भारी हुँदैछ । साँच्चिकै उनको पीडामा मलाई धोको फेरेर रुन मन लाग्दैछ । एउटा पब्लिक फिगरको त यो दुर्दशा छ, आममहिलाको हालत के होला ? जरुरत भएको खण्डमा उनलाई मेरो सहयोग चाहिएछ उनको भने मात्रै उनको अनुमतिमा नाम मेन्सन गर्नेछु । उनको फिलिङ्सको कदर गर्दै अहिलेलाई नाम गोप्य राखियो ।’
ज्योतिले यसरी गोप्य राखेको नाम हिजो साँझ सञ्चारकर्मी प्रकाश सुवेदीले आफ्नो टेलिभिजन कार्यक्रममा छताछुल्ल पारिदिए । सुवेदीले एलिनाको वैवाहिक सम्बन्ध अब धेरै नटिक्ने भविष्यवाणीसमेत गरेका छन् । यसले एलिनाका फ्यानहरुलाई चिन्तामा पारेको छ ।
एलिना र विष्णुको विवाह भएको एक वर्ष पनि बितेको छैन । केही समयको प्रेमपछि उनीहरुले यसै वर्ष वैशाखमा लगनगाँठो कसेका हुन् । अस्ट्रेलियामा बस्दै आएका विष्णुले विवाहपछि एलिनालाई पनि उतै लगेका थिए । उनी एलिनालाई पनि अस्ट्रेलियामै राख्न चाहन्थे, तर ३-४ महिना अस्ट्रेलिया बसेर एलिना नेपाल फर्किइन् । यस वर्षको तीज अगाडि नै नेपाल आएकी एलिना अहिलेसम्म यतै छिन् ।
अस्ट्रेलियामै छँदा एलिनाले बनाएको एउटा टिकटक भिडिओले संशय पैदा गरेको थियो । भिडिओमा उनको अनुहारभरि निलडाम जस्तो देखिन्थ्यो र आँखामा आक्रोश थियो । विभिन्न अड्कलबाजी हुन थालेपछि उनले गीतको भावअनुसार भिडिओ बनाउन निलडामको मेकअप गरेको र आफू ठिकठाक रहेको प्रष्टीकरण दिइन् । यद्यपि उनी ठीकठाक थिइनन् ।
नेपाल आएलगत्तै एलिना ‘शान्तिको खोजीमा’ ओसो तपोवनमा ध्यान गर्न पुगिन् । यसले पनि थप संशय पैदा भयो । ध्यानबाट निस्केपश्चात उनले आफ्नो सांगीतिक करिअरलाई निरन्तरता दिइरहेकी छन्, तर उनको अनुहार र हाउभाउमा पहिले जस्तो उमंग नरहेको धेरै महसुस गरेका छन् । यस्तो लाग्छ, मानौं चोट लुकाएर हाँसिरहेकी छन् ।
यो बीचमा दिएका थुप्रै अन्तर्वार्ताहरुमा एलिनाले आफ्नो मनको व्यथा फुकाउन सकिनन्, तर उनको पछिल्ला गीत र टिकटक भिडिओहरुले हताश मनस्थितिको छनक मिलिरहेको थियो । अर्कोतर्फ श्रीमान विष्णुका टिकटक भिडिओहरुबाट पनि उनीहरुको सम्बन्ध सरल रेखामा नबगिरहेको प्रतित हुन्छ ।
हिजोमात्रै एलिनाको नयाँ गीत युट्युबमा रिलिज भएको छ, जसको बोल रहेको छ- एक्लै पनि जिन्दगी चल्दो रहेछ । कतै यो गीतले एलिनाको आफ्नै जिन्दगीको कथा त बोलिरहेको छैन ?
बरु श्रीमानले हिंसा भोगेको हुन्छन् अचेलका अनुशासनहिन महिलाबाट !
फेरि जे भए नि दोष चाहिँ पुरुषलाई दिने कस्तो ?