जनकपुर बोल्ट्सका खेलाडीलाई महोत्तरीको मटिहानीमा भव्य स्वागत (तस्विरहरु) – Nepal Press

जनकपुर बोल्ट्सका खेलाडीलाई महोत्तरीको मटिहानीमा भव्य स्वागत (तस्विरहरु)

जनकपुरधाम । नेपाल प्रिमियर लिग (एनपीएल)को उपाधि विजेता जनकपुर बोल्ट्सका खेलाडीहरुलाई महोत्तरीको मटिहानीमा भव्य स्वागत गरिएको छ ।

मटिहानी नगरपालिकाका मेयर हरिप्रसाद मण्डल र नगरवासीले जनकपुर बोल्ट्सका खेलाडीहरुलाई भव्य स्वागत गरेका हुन् ।

मधेशका आठै जिल्लामा विजयोत्सव मनाउने क्रममा ट्रफीसहित जनकपुर बोल्ट्सका खेलाडीहरु मटिहानी पुग्दा बाजागाजासहित आतिसबाजी गरिएको छ । मेयर मण्डलले खेलाडीलाई २५ किलोको मालाले स्वागत तथा सम्मान गरे ।

मधेश प्रदेशको प्रतिनिधित्व गरेको जनकपुर बोल्ट्सले फाइनल खेलमा सुदूरपश्चिम रोयल्सलाई ५ विकेटले हराउँदै उपाधि जितेको थियो ।

उपाधि विजेता जनकपुर बोल्ट्सले मधेशका आठै जिल्लामा विजयोत्सव यात्रा गर्ने जनाएको छ । खेलाडीहरु जहाँ पुग्छन्, त्यहाँ स्वागत र सम्मानका लागि ठूलो संख्यामा क्रिकेटप्रेमी र समर्थक उर्लिएका छन् ।

जनकपुर बोल्ट्सले शुक्रबार जनकपुरबाट विजयोत्सव यात्रा प्रारम्भ गरेको थियो । आज महोत्तरी, सर्लाही र रौतहटका विभिन्न स्थानमा विजयोत्सव मनाउन पुग्ने जनकपुर बोल्ट्सका कप्तान अनिल साहले बताएका छन् ।


प्रतिक्रिया

Leave a Reply

Your email address will not be published. Required fields are marked *