राजु स्याङ्तानको कवितासंग्रह ‘ओ पेङ्दोर्जे’लाई ४ लाख राशीको पहिचान पुरस्कार – Nepal Press

राजु स्याङ्तानको कवितासंग्रह ‘ओ पेङ्दोर्जे’लाई ४ लाख राशीको पहिचान पुरस्कार

काठमाडौं । २०८०/२०८१ सालको पहिचान पुरस्कार राजु स्याङ्तानको कविता संग्रह ‘‘ओ पेङ्दोर्जे’ लाई प्रदान रिने भएको छ ।

मंसिर २८ गते बसेको कोषको बैठकले जुरीबाट आएको निर्णयलाई आधार मानि उत्कृष्ट आठ पुस्तक मध्यबाट उक्त कृतिलाई पुरस्कार दिने घोषणा गरिएको हो । पहिचान पुरस्कार कोषले प्रदान गर्ने यस पुरस्कारमा ताम्रपत्रसहित नगद चार लाख दुई हजार दुई रुपैयाँ रहेको छ ।

‘ओ पेङदोर्जे’लाई पुरस्कार घोषणा गर्दै कोषका संस्थापक नरेश काङमाङ राईले भने, ‘यस कविता संग्रहले गोर्खा राज्य विस्तार हुनुअघि र गोर्खा राज्य विस्तार भएपछि आफ्नो पचिानको लागि रगत पसिना साथै जीवन आहुती दिने तामाङ जाति र अन्य भूइँ मान्छेहरुले खेपेको शोषणको बारेमा बताएको छ ।

उनका कविताहरुले आफ्नो पहिचान रक्षार्थको लागि आन्दोलन र विद्रोह बोलेका छन् । विशेषतः तामाङ जातिको आदिवासी सौन्दर्य जगेर्ना गर्न सफल छ ।’

परस्कृत कविलाई २०८१ साल चैत्र २३ गते भोजपुर जिल्लाको टेम्के मैयुङ गाउँपालिका वार्ड नम्बर ४ को सुन्दर चखिया डाँडामा पुरस्कार वितरण गरिने छ ।


प्रतिक्रिया

Leave a Reply

Your email address will not be published. Required fields are marked *