युनुस सरकारद्वारा बङ्गलादेशमा हिन्दू नेता पक्राउ, तसलिमा नसरिनले गरिन् विरोध – Nepal Press

युनुस सरकारद्वारा बङ्गलादेशमा हिन्दू नेता पक्राउ, तसलिमा नसरिनले गरिन् विरोध

काठमाडौं । बङ्गलादेशको महोमद युनुस सरकारले त्यहाँका हिन्दू नेता चिन्मोइ कृष्ण दास पक्राउ गरेको छ । दास पक्राउको विभिन्न मिडियाहरुमा समाचार सार्वजनिक भएका छन् । उनलाई ढाका विमानस्थलबाट पक्राउ गरिएको थियो ।

दास नेतृत्वमा बङ्गलादेशमा हसिनाको बहिर्गमनसँगै हिन्दूमाथि बढेको हिंसाको विरोधमा चित्तगोङ र रङ्गपुरमा र्‍याली आयोजना भएको थियो । युनुस हिन्दू तथा बौद्ध र ईसाईलगायतका अल्पसंख्यकको मुद्दामा अनुदार देखिएका छन ।

उनले केही समय अगाडि कतारी च्यानल अलजजिरामा बोल्दै हिन्दूमाथि हिंसा बढेको नभई घटेको दाबी गरेका थिए । साथै उनले हिन्दूहरु स्वतन्त्रता आन्दोलनमा नलागेको आरोप लगाएका थिए ।

युनुस सरकारको बङ्गलादेशी लेखक तसलिमा नसरिनले विरोध गरेकी छन् । सामाजिक सञ्जालमा उनले शान्तिपूर्ण आन्दोलन गर्दा पक्राउ गरिएकोमा विरोध गर्दै युनुस सरकारले हिन्दूका ८ बुँदे मागको सम्बोधन नगरेर जिहादी, सेना र प्रहरी परिचालन गरेर दमन गरेको बताएकी छन् ।


प्रतिक्रिया

One thought on “युनुस सरकारद्वारा बङ्गलादेशमा हिन्दू नेता पक्राउ, तसलिमा नसरिनले गरिन् विरोध

  1. बंगलादेश लाइ बिजुली बेच्न बन्द गर सरकार !! अतिबादी बंगलादेशी सरकार लाइ बहिस्कार गर्।

Leave a Reply

Your email address will not be published. Required fields are marked *

सम्बन्धित खवर