वर्षा राउतका दुःख- खानाकुराले पेट फुलेको फोटोमा प्रेगनेन्ट भनेर बधाइ दिए (भिडिओ)

काठमाडौं । अभिनेत्री वर्षा राउतले खाना धेरै खाएर पेट फुलेको फोटो देखिँदा पनि प्रेगनेन्ट भएको भन्दै आएका बधाइको ओइरोले आफू आजित भएको बताएकी छन् ।

‘तेल भिसा’ फिल्मको मिडियासँगको अन्तरक्रिया कार्यक्रममा बोल्दै उनले आफ्नो पेट नै अलिकति केही खाँदाखेरि नै पुक्क खुल्ने खालको भएको बताइन् ।

राउतलाई पत्रकारले सोधेका थिए, ‘तेल भिसामा प्रेगनेन्ट हुनुहुनछ, अब रियलमा चाहिँ कहिले ?’ राउतले जवाफ फर्काइन्, ‘यो बच्चा कहिले भन्ने प्रश्न यति आइसक्यो कि अब मेरो बच्चा हुने वेला नि मलाई एक्साइटमेन्ट हुँदैन होला ।’

सँगै उनले एक सन्दर्भमा पनि बताइन् । एकपटक एक इभेन्टमा गएर वर्षाले खानेकुरा धेरै खाइछिन् । खानेकुराले गर्दा पेट बढ्यो । अनि खानापछि खिचेको फोटोमा वर्षाको पेट पुक्क फुलेको देखियो । यसपछि उनी प्रेगनेन्ट भएको ठानेर दर्शकहरुले बधाइ दिन थाले ।

उनलाई सुभेच्छुक र आफन्तहरुले पनि बधाइ दिन थाले । धेरै नै बधाइ आएपछि आफू प्रेगनेन्ट नभएको स्पष्टिकरण पनि दिइन् । कतिपयले भने मिडियाबाट हराइरहेका वेला चर्चाका लागि यसो गरिन् भनेर अनुमान समेत गरे । उक्त घटनापछि अहिले आफूलाई घरमा पनि राम्रोसँग खानेकुरा खान नदिने गरेको बताइन् ।

मिडियासँगको अन्तरक्रिया कार्यक्रममा राउतको अलवा विपिन कार्की, ऋचा शर्मा, बुद्धि तामाङ लगायत कलाकारको उपस्थिति थियो । शंकर घिमिरेको लेखन तथा निर्देशन रहेको ‘तेल भिसा’ आउँदो मंसिर ७ मा प्रदर्शन हुँदैछ ।