जाजरकोटमा दुई सवारी दुर्घटना, २० जना घाइते
नेपाल प्रेस
२०८१ कार्तिक २६ गते १२:४४
सुर्खेत । जाजरकोटमा आज बिहान दुई छुट्टाछुट्टै सवारी दुर्घटनामा २० जना घाइते भएका छन्।
बारेकोटबाट सदरमुकाम खलङ्गा आउँदै गरेको घ १ ज ५९५ नम्बरको बोलेरो जिप नलगाड नगरपालिका–४ को बाउसे खोलामा दुर्घटना भएको छ ।
जाजरकोट प्रहरीले जानकारी दिएअनुसार, गाडी बिच सडकमा पल्टिएको छ, जसका कारण तीन जना घाइते भएका छन् ।
घाइतेहरूलाई उपचारका लागि जिल्ला अस्पताल जाजरकोट पठाइएको छ ।
यस्तै, भेरी नगरपालिका–७, स्याउले बजारबाट नेपालगञ्जतर्फ गइरहेको ५ ख १८९२ नम्बरको गाडी कुदुमा दुर्घटनाग्रस्त भएको हो।
जिल्ला प्रहरी कार्यालय, जाजरकोटका प्रहरी नायब उपरीक्षक पुरुषोत्तम प्रसाद पाण्डेका अनुसार गाडीमा २१ जना यात्रु थिए, जसमा १६ जना घाइते भएका छन्। घाइतेमध्ये गाडी चालकको अवस्था गम्भीर छ।
घाइतेहरूको उपचार जिल्ला अस्पताल जाजरकोटमा भइरहेको छ। गाडी सडकबाट ५० मिटर तल खसेको जनाइएको छ। घटनाको थप विवरण आउन बाँकी छ।
नेपाल प्रेस
प्रकाशित: २०८१ कार्तिक २६ गते १२:४४
प्रतिक्रिया
सम्बन्धित खवर
