चीनको चांगान कम्पनीको दिपल इभी रुपन्देहीमा लन्च

रुपन्देही । विश्वकै उत्कृष्ट चारपांग्रे सवारी उत्पादक गर्दै आएको चाइनाको चांगान कम्पनीको दिपल इभी रुपन्देहीमा लन्च गरिएको छ ।

नेपालका लागि आधिकारिक बिक्रेता एमएडब्लु वृद्धि र यस क्षेत्रको आधिकारिक बिक्रेता जेनस मोटर्सले ईभीको नयाँ अप्सनका रूपमा डिपलका दुई मोडल चारपाग्रे सवारी आइतबार औपचारिक रूपमा लन्च गरिएको हो ।

बुटवल उपमहानगरपालिकाका नगरप्रमुख खेलराज पाण्डेयले डिपल एल जिरो सेभेन र डिपल एसजिरो सेभन दुई सवारी लन्च गर्दै बजारमा ईभी सवारीको क्रेज बढ्दो रहेको बताए ।

ईभी गाडीको विश्वासनीयतालाई कायम राख्ने गरी बिक्रेताहरू सेवा दिनुपर्ने उनले सुझाव दिए । स्थानीय पालिका ईभीको सेवाप्रति सजग रहेको भन्दै चार्जिङ स्टेसनमा जोड दिएको उनले बताए । आम उपभोक्ताको माग र चाहनाअनुसार सेवामा ध्यान दिनुपर्ने भन्दै स्थानीय सरकार सहयोग र सहकार्य गर्ने प्रतिबद्धता जनाए ।

कार्यक्रममा जेनस मोटर्सका प्रबन्ध निर्देशक क्षेत्रकुमार श्रेष्ठले संसारमा नै सबैभन्दा धेरै फिचर भएको सवारीका रूपमा चानगन कम्पनी पहिचान बनाएको दाबी गर्दै १६० वर्ष लामो इतिहास बोकेको कम्पनी भएको बताए ।

दिपलमा वेलकम सिट, सनफलावर टचस्क्रिन, अग्मेन्टेड रियालिटी हेडअप डिस्प्ले, जेस्चर कन्ट्रोल, हेडरेड र आउटडोर स्पिकर लगायतका कारमा १५ भन्दा बढी फिचरहरू रहेको उनले दाबी गरे ।

अहिलेसम्मकै बढी ५४० किलोमिटर माइलेज यसमा रहेको छ । कार्तिक २७ गते बुटवलमा लुम्बिनी प्रदेशकै ठूलो एक्सचेन्ज एण्ड टेष्ट ड्राइभ क्याम्पको आयोजना क्लब डेनेभोमा राखिएको उनले बताए ।

कार्यक्रममा डिप्पलको अनुभव शेयर गर्दै उद्योगी विकास पाण्डेले ६ महिनाको अवधिमा नेपालका बाटाहरूमा यो उपयुक्त लागेको बताए ।

यसअघि चलाएका सवारीभन्दा फरक अनुभूति पाएको उनले बताए । इन्धन सवारी छोडेर ईभीमा आउँदा धेरै बलियो सोच बनाउनुपर्ने भन्दै यसको आकर्षक मोडलकै कारण चढेको बताए ।

कार्यक्रममा एमएडब्लु ग्रुपका डिलर हेड सुरेन्द्र केसीले नेपालमा ईभी कारको माग बढ्दो रहेको बताए । नेपालमा हाल कुल सवारीमध्ये ८० प्रतिशतभन्दा बढी ईभी गाडी भित्रिएको उनले दाबी गरे ।

नेपालमा सवारी भित्राउँदा बिक्रीपछिको सेवामा जोड दिन जरुरी रहेको भन्दै उपभोक्ताबाट खरिद गर्दासमेत यसमा विशेष ध्यान दिन उनले सुझाव दिए । एमएडब्लु ग्रुप नेपालकै दोस्रो बढी सवारी भित्राउने र गुणस्तरीयताका रूपमा पहिचान बनाएको उनले दाबी गरे ।

६ महिनाअघि काठमाडौंमा लन्च भएको यो गाडी ६ सय गाडी बिक्री भएको छ । विश्वका ६ देशका १० शहरमा यो कम्पनीको उत्पादन लिइरहेको छ ।

कार्यक्रममा बुटवल उद्योग वाणिज्य संघका अध्यक्ष हरि अर्यालले हरित क्रान्तिको कुरा गरिरहँदा समयसापेक्ष यो सवारी भएको बताए । विद्युतीय उर्जा अबको समयको माग अनुसार बिस्तारै बढेको भन्दै उनले नयाँ पुस्तामा ईभी सवारी आकर्षक भएको बताए ।

राष्ट्रिय अर्थतन्त्रलाई समेत उकास्न यो नयाँ प्रविधि उपयोगी हुनेमा उनले आशा व्यक्त गरे । कार्यक्रममा सिद्धार्थनगर उद्योग वाणिज्य संघका अध्यक्ष ठाकुर श्रेष्ठले अटो क्षेत्रमा नयाँ व्यवसायी भित्रँदा आशा र ऊर्जा जागेको बताए ।