बाबुछोरीको कथामा चलचित्र ‘रंगी’ बनाउँदै सलोन बस्नेत

काठमाडौं । सलोन सलिना फिल्मस् प्रालिको ब्यानरमा नयाँ चलचित्र ‘रंगी’ निर्माण हुने भएको छ । सलोन बस्नेत प्रस्तुतकर्ता रहने चलचित्रमा सुरेश न्यौपानेको ‘डेब्यू’ निर्देशन रहनेछ । निर्देशक न्यौपानेले ‘छक्का पन्जा’, ‘ए मेरो हजुर २’, ‘यात्रा’, ‘म यस्तो गीत गाउँछु २’, ‘कृ’लगायतका चलचित्रमा मुख्य सहायक निर्देशनको रूपमा काम गरिसकेका छन् ।

चलचित्र निर्माण घोषणासँगै निर्माण पक्षले चलचित्रको टाइटल पोस्टर पनि सार्वजनिक गरेको छ । जहाँ साइकलमा बसिरहेकी एक बालिका र उनीसँग खेल्दै गरेका एक पुरुष देखाइएको छ । पृष्ठभूमिमा सूर्यास्त हुँदै गरेको देखाइएको छ । चलचित्रले बाबु छोरीको कथालाई चित्रण गर्ने अनुमान गर्न सकिन्छ ।

सक्षम सुवेदीको निर्माण रहने चलचित्रमा सुमन गजमेरको लेखन छ । सौरभ लामा छायाकारका रुपमा अनुबन्धित भइसकेका छन् भने चलचित्रका लागि कलाकार फाइनल भइसकेका छैनन् ।