अवकाशमा जानुअघि प्रधान सेनापति शर्मा भोलिबाट बिदामा, सिग्देललाई बुझबुझारथ

काठमाडौं । प्रधानसेनापति प्रभुराम शर्माले अवकाशमा जानुअघि शुक्रबारेदेखि बिदामा बस्ने भएका छन् । नेपाली सेनाको परम्पराअनुसार प्रधान सेनापति शर्मा अवकाशमा जानुभन्दा एक महिना अघि बिदा बस्न लागेका हुन् । बिहीबार उनले निमित्त प्रधान सेनापति अशोकराज सिग्देललाई बुझबुझारथ गरेका छन् ।

यसअघि साउन १४ गते राष्ट्रपति रामचन्द्र पौडेलले सिग्देललाई कायममुकायम प्रधानसेनापतिको जिम्मेवारी दिने निर्णय गरेका थिए । सहायक सेनानीबाट नेपाली सेनामा सेवा सुरु गरेका शर्माले झन्डै ४१ वर्षपछि अवकाश पाउन लागेका हुन् ।