रुद्रनाथ अधिकारीको ‘यसपालिको तीज’ मा शान्तीश्रीको स्वर, अञ्जलीको अभिनय – Nepal Press

रुद्रनाथ अधिकारीको ‘यसपालिको तीज’ मा शान्तीश्रीको स्वर, अञ्जलीको अभिनय

काठमाडौं । गायिका शान्तीश्री परियारको स्वर रहेको ‘यसपालिको तीज’ मा बोलको गीतको भिडिओ सार्वजनिक भएको छ । हिन्दू नेपालीको महान पर्व तीज नजिकिएसँगै ज्योतिष पण्डित डाक्टर रुद्रनाथ अधिकारीको शब्द सृजना रहेको सार्वजनिक गीतमा मौलिक शब्द समावेश छन् ।

गाउँघरमा तीजको माहोलमा गरिने रमाइलोलाई देखाउँदै भगवान् शिवलाई यस विशेष पर्वमा खुशी पार्ने र माइती गएकी चेलीका लागि आमाको महत्वलाई गीतकारले वर्णन गरेका छन् ।

गीतलाई रिमेशकुमार थापाले संगीत भरेका छन् । तीजको गीतमा बढ्दो विकृतिलाई रोक्न यो गीतले मौलिक विषय उठाइएको निर्माण टीमले जनाएको छ ।

कृष्णदेव रुपाखेतीको निर्देशनमा तयार भएको तीज गीतमा अञ्जली अधिकारीको अभिनय देख्न सकिन्छ । भिडिओ छायांकन उत्सव दाहाल तथा सम्पादन विकास ज्ञवालीले गरेका छन् । ज्योतिष पण्डित डाक्टर रुद्रनाथ अधिकारी अफिसियल च्यानलबाट गीत बजारमा आएको हो ।


प्रतिक्रिया

Leave a Reply

Your email address will not be published. Required fields are marked *