सम्पूर्ण जमिन राष्ट्रियकरण गर्नुपर्छ : वामदेव गौतम (भिडिओ) – Nepal Press

सम्पूर्ण जमिन राष्ट्रियकरण गर्नुपर्छ : वामदेव गौतम (भिडिओ)

काठमाडौं । राष्ट्रिय सभा सदस्य वामदेव गौतमले सम्पूर्ण जमिन राष्ट्रियकरण गर्नुपर्ने बताएका छन् ।

आइतबारको राष्ट्रिय सभा बैठकमा बोल्दै उनले यस्तो बताएका हुन् । उनले जबसम्म नेपालको सम्पूर्ण भूमि राष्ट्रियकरण गरिँदैन तबसम्म नेपालले विकास गर्न नसक्ने बताए । उनले अमेरिका, चीन, रुस लगायतका देशमा सम्पूर्ण भूमि राष्ट्रियकरण भएकाले विकास सम्भव भएको बताए ।

‘सम्पूर्ण जमिन राष्ट्रियकरण गरौँ । मैले आज धेरै पहिलादेखि भन्दै आएको कुरा गरेँ । जबसम्म नेपालको कृषि भूमिमात्रै होइन, सम्पूर्ण भूमि राष्ट्रियकरण गरिँदैन, नेपालले विकास गर्दैन । अमेरिका लगायतका देशमा सम्पूर्ण भूमि राष्ट्रियकरण भएको छ । त्यहाँ व्यक्तिगत छैन । अमेरिकामा मात्रै होइन, सिंगो युरोपभर भूमि राष्ट्रियकरण गरिएको छ’, उनले भने, ‘रुसमा पनि त्यो लागू भएको छ । चीनमा १९५३ मा राष्ट्रियकरण भयो, सबै जमिन । भूमि नै मानिसलाई आवश्यकता पर्ने वस्तु उत्पादन गर्ने आधार हो । मुख्य उत्पादनको साधन हो । त्यसलाई टुक्रा टुक्रा काटेर बाँड्छौँ, देश समृद्ध हुन सक्दैन ।’

उनले भूमि नै मानिसलाई आवश्यकता पर्ने वस्तु उत्पादन गर्ने आधार भएकाले उत्पादनका लागि लिजमा दिने र सबै भूमि राष्ट्रियकरण गरेर अघि बढ्नुपर्ने आवश्यकता रहेको बताए ।

 

 


प्रतिक्रिया

One thought on “सम्पूर्ण जमिन राष्ट्रियकरण गर्नुपर्छ : वामदेव गौतम (भिडिओ)

  1. जनताकाे जमिन अधिग्रहण गर्नु धन्दा पहिला तिमिहरु जस्ता टुप्पाबाट उम्रियका, बिचाेलिया, सहकारी ठग, लुटेरा, भ्रष्ट कर्मचारी , काला बजारिया, जग्गा दलाल, मानव तस्करका नाडके, बिदेशी का दलाल, राजनितिका नाममा राज्यकाे ढुकुटिमाथि ब्रह्म लुट मच्चायर जाेडेकाे घर, बङ्गला, गाडि र सेयर पहिला जफत गरि तिमिहरुलाड अाजिवन काराबासकाे सजाय गर्नु पर्छ । त्यसपछि नेपालमा क्यान्सर जस्तै झाङ्गियकाे वडा देखि सिह दरबार, बालुवाटार, खुमलटार, बालकाेट, बुढानिलकण्ठ सम्म ब्याप्त भ्रष्टाचार , लुट र गुण्डागर्दिकाे नियन्त्रण हुने छ ।

Leave a Reply

Your email address will not be published. Required fields are marked *

सम्बन्धित खवर