बजेटमा ओलीको असन्तुष्टिबारे प्रचण्ड- विरोधजस्तो मात्रै गर्नुभएको हो – Nepal Press

बजेटमा ओलीको असन्तुष्टिबारे प्रचण्ड- विरोधजस्तो मात्रै गर्नुभएको हो

काठमाडौं । प्रधानमन्त्री पुष्पकमल दाहाल ‘प्रचण्ड’ ले बजेटमा एमाले अध्यक्ष केपी शर्मा ओलीले विरोधजस्तो मात्रै गरेको तर्क गरेका छन् । भरतपुर विमानस्थलमा सञ्चारकर्मीहरूसँग कुरा गर्दै उनले नीति तथा कार्यक्रम र बजेट राष्ट्र र जनताको पक्षमा आएको बताए ।

प्रचण्डले भने, ‘नीति कार्यक्रम र बजेट जनता र राष्ट्रको पक्षमा आएको छ । यो प्रतिनिधिसभाबाट पारित पनि हुन्छ । सुशासन, सामाजिक न्याय र समृद्धिको क्षेत्रमा पनि सकारात्मक पहलहरू अगाडि आएका छन् । यो सन्तोषजनक छ ।’

उनले आफूले विगतमा भनेजस्तो राष्ट्र र जनताको अपेक्षाअनुसार नभएको उल्लेख गर्दै अझै गति दिन आवश्यक रहेको बताए ।

उनले ओलीको बजेटमाथिको असन्तुष्टिबारे उनले भने, ‘विरोधजस्तो मात्रै गर्नुभएको छ । साँच्चै गर्नुभएको छैन । उथलपुथल गर्ने बेला भएको छैन । यो जान्छ । राम्रैसँग जान्छ । बाहिर कतिपय सन्दर्भमा आउने हल्लाहरूमा सत्यता छैन । यो समीकरण राम्रै जान्छ ।’

उनले नयाँ समीकरण बनेपछिको सय दिन समग्रमा सन्तोषजनक भएको जिकिर गरे ।


प्रतिक्रिया

One thought on “बजेटमा ओलीको असन्तुष्टिबारे प्रचण्ड- विरोधजस्तो मात्रै गर्नुभएको हो

  1. राष्ट्रिय स्वतन्त्र पार्टीका मन्त्रीहरूले केहि राम्रो प्रयास गरेका छन् । अरु पुराना पार्टीका मान्छेहरु त “मन्त्री खाने” मात्रै हुन। तिनीहरुलाई देशको लागि काम गर्ने न इच्छा छ, न त्यसको दक्षता!

Leave a Reply

Your email address will not be published. Required fields are marked *