सुदूरपश्चिम सरकारको बजेट ३१ अर्ब ६२ करोड (पूर्ण पाठ) – Nepal Press

सुदूरपश्चिम सरकारको बजेट ३१ अर्ब ६२ करोड (पूर्ण पाठ)

कैलाली । सुदूरपश्चिम प्रदेश सरकारले आगामी आर्थिक वर्ष २०८१/८२ का लागि ३१ अर्ब ६२ करोड ९८ लाख २८ हजारको बजेट ल्याएको छ ।

आर्थिक मामिलामन्त्री सुरेन्द्रबहादुर पालले शनिबार प्रदेशसभामा चालूतर्फ ११ अर्ब ६० करोड १९ लाख ६३ र पूँजीगततर्फ १७ अर्ब ५३ करोड ८ लाख ५५ हजारको बजेट प्रस्तुत गरेका हुन् ।

अन्तरसरकारी वित्तीय हस्तान्तरणतर्फ २ अर्ब ९२ करोड ७० लाख १० हजार र वित्तीय व्यवस्थापनतर्फ १० करोड विनियोजन गरेको मन्त्री पालले बताए ।

प्रदेश सरकारले अनुमान गरिएको खर्च व्यहोर्ने स्रोतमध्ये आन्तरिक राजस्व परिचालनबाट १ अर्ब ६० करोड, नेपाल सरकारबाट राजस्व बाँडफाँट भई प्राप्त हुने अनुमानित रकम ९ अर्ब ९९ करोड १९ लाख, संघीय रोयल्टी बाँडफाँट भै प्राप्त हुने ४ करोड ४० लाख ५५ हजार, नेपाल सरकारबाट प्राप्त हुने वित्तीय समानीकरण अनुदान ८ अर्ब ७२ करोड रहेको छ ।

चालू आर्थिक वर्षको विनियोजनबाट बचत हुने अनुमानित रकम ६ अर्ब १५ करोड ८३ लाख, सशर्त अनुदानबाट प्राप्त हुने ३ अर्ब १३ करोड ३४ लाख, संघीय समपूरक अनुदानबाट प्राप्त हुने अनुमान गरिएको १ अर्ब ४२ करोड र विशेष अनुदानबाट प्राप्त हुने अनुमान गरिएको ५५ करोड ६० लाख प्राप्त हुने अनुमान गरेको अर्थमन्त्री पालले बताए ।


प्रतिक्रिया

2 thoughts on “सुदूरपश्चिम सरकारको बजेट ३१ अर्ब ६२ करोड (पूर्ण पाठ)

  1. अछाम जिल्ला ढकारी गाउपालीका
    वडा नम्बर ७ मा दलीत टोल्को लागी खाने पानीको समस्य भयको ले करिब ४० घर
    धुरीका लागी बजेट छुट्टाउनु हुन
    अनुरोद गरीन्छ
    सिनेडी खोला मुल देखी करीब ५ किलोमिटर
    नवागाउ टीमु टोल सम्म

  2. दलीत टोल खने पनि ढकारी गाउपालीका वाडा
    न: ७ नवागाउ अछाम
    #सिनेडी खोला मुल नवागाउ खनेपनी#

Leave a Reply

Your email address will not be published. Required fields are marked *

सम्बन्धित खवर