जनकपुरमा महासेठलाई १०१ किलोको माला, नजर नलागोस् भनेर दही र माछाको टीका – Nepal Press

जनकपुरमा महासेठलाई १०१ किलोको माला, नजर नलागोस् भनेर दही र माछाको टीका

जनकपुरधाम । उपप्रधान एवम् भौतिक पूर्वाधार तथा यातायातमन्त्री बनेर गृह जिल्ला पुग्दा नेकपा एमालेका सचिव रघुवीर महासेठलाई भव्य स्वागत गरिएको छ ।

जनकपुरधाम विमानस्थलमा उपप्रधानमन्त्री महासेठलाई एमाले नेता कार्यकर्ताहरूले १०१ किलोको मालाले स्वागत गरेका हुन् । महासेठ प्रभावशाली मन्त्री बनेकोमा नेता कार्यकर्ताहरू उत्साहित देखिए ।

महासेठको स्वागत चलिरहँदा एक युवक दही र माछाको भार (पाहुर) बोकेर पुगेका थिए । ती युवकले उनलाई माछा र दहीको टीका लगाए ।

एमालेका एक नेताका अनुसार कसैको नजर नलागोस् भनेर माछा र दहीको टीका उपप्रधानमन्त्री महासेठलाई लगाइएको छ ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर