बालेनकाे दाबी- नगर प्रहरीमाथि एमालेका राजनीतिकर्मीले आक्रमण गरेपछि प्रतिरक्षा गरिएकाे हाे
'नगर प्रहरीसँग झडपमा संलग्न महिला फुटपाथ व्यापारी हाेइनन्, एमाले कार्यकर्ता हुन्'
नेपाल प्रेस
२०८० फागुन १९ गते २१:०९
काठमाडाैं । काठमाडौं महानगरपालिकाका नगर प्रहरीले सडक व्यापारीमाथि अनाधिकृत रूपमा बल प्रयोग गरेकाे आराेपकाे मेयर बालेन्द्र साहले प्रतिवाद गरेका छन् ।
नगर प्रहरीसितकाे झडपमा संलग्न महिला सडक व्यापारी नभएर एमाले कार्यकर्ता भएकाे उनकाे दावी छ ।
सामाजिक सञ्जालमा एक पाेस्ट गर्दै बालेनले नगर प्रहरीमाथि एमालेका राजनीतिकर्मीले सुरूमा आक्रमण गरेकाे आराेपसमेत लगाएका छन् ।
उनले लेखेका छन्, ‘…हाम्राे नगर प्रहरीले प्रहरीकाे अधिकार प्रयाेग गरेकाे हाेइन, आत्मरक्षा र प्रतिवादका लागि मानवअधिकारकाे प्रयाेग गरेका हुन् । तपाईंले हेर्नुभएकाे भिडिओ दाेस्राे हाफ हाे, पहिलाे हाफलाई राष्ट्रिय सरकारले मेटाएकाे छ ।’
उनले केही घाइते प्रहरीकाे तस्विरसमेत सार्वजनिक गरेका छन् ।
‘यी तस्विर तपाईंले खाेज्नुहुन्न र छाप्नुहुन्न,’ बालेनले लेखेका छन् ।
नेपाल प्रेस
प्रकाशित: २०८० फागुन १९ गते २१:०९
प्रतिक्रिया
4 thoughts on “बालेनकाे दाबी- नगर प्रहरीमाथि एमालेका राजनीतिकर्मीले आक्रमण गरेपछि प्रतिरक्षा गरिएकाे हाे”
Leave a Reply
सम्बन्धित खवर
नेपाल अपडेट
ट्रेन्डिङ
लोकप्रिय (यो साता)
Balen, you’ve gone Mad !!!
तिम्रा सेना पुटपाथमा व्यापारी लखेटन आउँदैछन् भनेर एमालेका कार्यकर्तालाई पहिले नै घोषणा गरेका थियौ ? एमालेका कार्यकर्ताले कुटाइ खाए भनिदिएपछि ठगबन्धनकाले बालेनले ठिक गरे भन्छन भनेर कुटाई खाने एमालेका कार्यकर्ता हुन भनेर हावा कुरा गर्ने ? व्यापारी कुनै पनि पार्टीको समर्थक हुन सक्दैन र ? बालेन पनि हावा हुन थालेछन् ।
व्यापारी कुनै पनि पार्टीको समर्थक हुन सक्दैन र ?
सड़क पेटी त पैदल यात्रुको लागी हो, ब्यापार गर्ने थलो भ्रष्टाचारी पार्टी र नेताहरुले बनाए। महानगरले राम्रो कामको थालनी सुरू गर्यो, बधाई छ युवा मेयरको टीम लाई।